شاندەکێ زانکویا جیهان-دهوک بەشدارى د ئێکەم کونفرانسێ زانستى یێ بۆلونیا پرۆسێس بەشداربوون:

ئەڤرۆ رێکەفتى (28/8/2022) شاندەکێ پێک هاتى ژ زانکویا جیهان-دهوک ب سەرپەرشتیا بەرێز (پ.هـ.د.زێرڤان عبدالمحسن أسعد) سەرۆکێ زانکویێ و بەرێز (پ.هـ.د.بیار محمدرشید عمر) هاریکارێ سەرۆکێ زانکویێ، دگەل رێڤەبەرێن دڵنیایى جورى و سەنتەرێ ڤەکولینان بەشداربوون د کونفرانسێ ئێکێ یێ بۆلۆنیا پرۆسێس ل پارێزگەها هەولێرێ کو دهێتە سەرپەرشتیکرن ژلایێ لژنەکا پسپور ب ئامادەبوونا بەرێز (د.ئارام محمد قادر) وەزیرێ خواندنا بالا و ڤەکولینێن زانستى دگەل هژمارەکا سەرۆک زانکویێن حکومى و تایبەت یێن هەرێما کوردستانێ و پسپور و ئەکادیمیناسێن لسەر ئاستێ نافخو و هەرێمى و نیڤدەولەتى.

کونفرانس بۆ ماوێ 2 رۆژان دێ یێ بەردەوام بیت (28-29/8/2022) هەر رۆژێ 4 پەنەل دهێنە پێشکێشکرن ژلایێ پسپور و شارەزایێن ئەزموون د ڤى بوارى دا، لەوما هژمارەکا ڤەکولینان دێ هێنە پێشکێشکرن، و ئەڤ بابەتێن ل خوارێ دێ هێنە شرۆڤەکرن و گەنگشەکرن ژلایێ رێکخەر و بەشداربوویێن کونفرانسى و ل دوماهیێ دەرئەنجام دێ هێنە ڕاگەهاندن:

جێبەجێکرنا پرۆسەیا بۆلۆنیا ل هەرێما کوردستانێ و وانێن مفادار.
ـ جێبەجێکرنا پرۆسەیا بۆلۆنیا / ئاستەنگ و دەرفەت.
ـ دڵنیایى جورى و باوەرپێکرن و بەرهەمئینانا شیانا.
ـ پرۆسەیا بۆلۆنیا و فێربوونا وێ قوتابى وەکو سەنتەرێ کارى.
ـ پرۆسەیا بۆلۆنیا و کارکرن ژ بۆ نیڤدەولەتیکرنا خواندنا بالا.
   
ل سالا 2015ێ وەزارەتا خواندنا بالا و ڤەکولینێن زانستى بریارا جێبەجێکرنا بنەمایێن بۆلۆنیا پرۆسێس دایە، وەکو ئێکەم پێنگاڤ هژمارەکا زانکویان دەست ب پرۆسەیێ کر، نوکە بەرەف زێدەبوونێ چوویە.

ئەڤ پرۆسەیە دێ هاریکار بیت بۆ هندێ قوتابى پتر گرنگیێ بدەن ب پرۆَسەیا خواندن و ژینگەها داهێنان و پێشڤەبرنا شیانێن کار و بەرهرەیێن جورا و جور، هەروەسا دێ پالدەرەک بیت بۆ بەرفرەهکرنا ڕەهندێن نیڤدەولەتى یێن خواندنا بالا ل هەرێما کوردستانێ ب رێیا ئالۆگورکرنا مامۆستا و ڤەکۆلەر و قوتابى و ب دەستڤەئینانا پیڤەر و پشتەڤانیا نیڤدەولەتى بۆ چاکسازیێن کەرتێ خواندنا بالا.