سەرۆکێ زانکویا جیهان-دهوک بەشدارە د کونفرانسەکێ نیڤدەولەتى دا ل وەلاتێ ئەلمانیا:

سەرۆکێ زانکویا جیهان-دهوک بەرێز (پرۆفیسورێ هاریکار د.زیرڤان عبدالمحسن أسعد) ب هەڤالینیا شاندەکێ گروپێ زانکویێن جیهان، ب سەرپەرشتیا بەرێز (پرۆفیسۆر د.ئەمجەد سابر دەلۆ) سەرۆکێ زانکویا جیهان-هەولێر بەشداربوون د کۆنفرانسێ زانستى یێ پەروەردە و داهێنانێ ل باژارێ (بۆخوم) یێ ئەلمانیا و ب بەشداربوونا شاندەکێ وەزارەتا خواندنا بالا و ڤەکولینێن زانستى و وەزارەتا پەروەردێ یا حکومەتا هەرێما کوردستانێ و وەزارەتا خواندنا بالا یا حکومەتا عیراقێ.

ئەڤ کۆنفرانسە هاتیە رێکخستن و ب رێڤەبرن ژلایێ رێکخراوا نیڤدەولەتى (هیومان رێستارت) ب هەماهەنگى دگەل حکومەتا هەرێما باکوورێ راین (دۆسلدۆرف) ل رۆژا شەمبى رێکەفتى (7/5/2022) ب بەشداریا هژمارەکا سەرۆک زانکویێن هەرێما کوردستانێ و نوینەرێن (18) وەلاتان. ئارمانج ژ ئەنجامدانا کۆنفرانسى گەنگەشەکرن و چاوانیا مفا وەرگرتن ژ پیڤەرێن نوى یێن ئوروپا دەربارەى کوالیتیا خواندنێ ل ئوروپا و وەلاتێن رۆژهەلاتا ناڤەراست و باکورێ ئەفریقیا.

د بەشەکێ دى یێ کۆنفرانسى دا، باس ل کوالیتیا خواندنێ و هەلسەنگاندنا ڤەکولینێن زانستى ل زانکویێن کوردستانێ هاتە کرن، ژ بۆ ڤێ مەرەمێ سەرۆکێ شاندێ گرۆپێ جیهان ب هویرى باس ل ڤێ چەندێ کر و ئاماژە ب کوالیتیا خواندنێ ل زانکویان کر و ئەو پیڤە و ستانداردێن نیڤدەوەلتى.

هەر وەسا شاندێ زانکویێن جیهان پێکهاتیە ژ بەرێز (پروفیسورێ هاریکار د.ئومێد رەفیق فەتاح/ سەرۆکێ زانکویا جیهان-سلێمانى، و بەرێز (د.دلێر حسین قادر) رێڤەبەرێ دلنیایى جۆرى ل زانکویا جیهان-هەولێر، بەشدارى کونفرانسى بوون و چەندین دیدار و کومبوونێن زانستى ل گەل زانکو و دەزگایێن جودا جودا ئەنجامدان، ب مەبەستا دروستکرنا پرێن پەیوەندیێن زانستى، و مفا وەرگرتن ژ ئەزموونا وان زانکویێن گرنگیێ ددەتە زێدەتر ئاستێ زانستى و دلنیایى جورى ل زانکویێن جیهان.

بەرنامێ رۆژانێن کونفرانسى لسەر ڤان هەردوو تەوەران هاتینە دابەشکرن:
ـ رۆژا ئێکێ/ کوالیتیا پەروەردێ و خواندنا بالا لسەر ئاستێ جیهانێ)
ـ رۆژا دووێ/ کوالیتیا خواندن و مفا وەرگرتن ژ ئەزموونا وەلاتێن پێشکەفتى د پێشڤەبرنا ئاستێ زانست و زانینێ دا.