ب هەلكەفتا دەستپێكرنا ساڵا نوی يا خواندنێ (2026-2027)، ئەڤرۆ سێشەمبى ڕێكەفتى 1/9/2026، بەرێز پ.د. زێرڤان عبدالمحسن أسعد، سەرۆكێ زانكۆيا جيهان-دهۆك، دگەل مامۆستا و فەرمانبەرێن زانكۆيێ كۆمبوو.

ل دەستپێكێ، سەرۆكێ زانكۆيێ پیرۆزباهی ب هەلكەفتا ساڵا نوی يا خواندنێ ئاراستەى ئامادەبوویان كرن، و سوپاسی و پێزانينێن خۆ ئاراستەی مامۆستا و فەرمانبەران کرن بۆ ماندیبوونا وان د ساڵا دەربازبووى دا. هەروەسا جەخت ل سەر بەرهەڤيا تمام يا زانكۆيێ كر بۆ پێشكێشكرنا باشترین خزمەتگوزاريێن زانستى و ئەكاديمى، و ئاماژە ب گرنگيا كاركرنێ وەك تێمەكێ ڕێكخستى و ب پلان بۆ خزمەتکرنا پرۆسەيا خواندنێ كر، هەروەسا بخێرهاتن ل مامۆستا و فەرمانبەرێن نوی كر ب هەلكەفتا دەستبەركاربوونا وان د ساڵا نوو يا خواندنێ دا.


د تەوەرەکێ دى دا، سەرۆكێ زانكۆيێ جەخت ل سەر پابەندبوونا تمام ب ڕێنمايێن زانكۆيێ و وەزارەتا خواندنا بلند و ڤەكۆلينێن زانستى كر، نەخاسمە پابەندبوون ب دەمێ دەستنیشانكری بۆ دەمێ خواندنێ. هەروەسا دیار كر كو زانكۆيا جيهان-دهۆك بەردەوامە ل سەر بجهئینانا نووترین پێشڤەچوونێن تەكنۆلۆژى و ژيريا دەستكرد (AI) د پێشكێشكرنا وانەیێن تيۆرى و پراکتیکی دا، داكو ئاستێ زانستى یێ قوتابيان گەشێ بكەت.