د چارچۆڤێ کار و چالاکییێن زانستیدا، ل ڕێکەفتی ٧-٥-٢٠٢٦ زانکۆیا جیهان-دهۆک مێهڤاندارییا کۆمبوونا فەرمی یا جڤاتا ئەمینداریا زانکۆیێن جیهان کر. ئەڤ کۆمبوونە ب ئامادەبوونا بەڕێز (د. نەوزاد یحیى باجگر)، سەرۆکێ دەستەیا ئەمینداریا زانکۆیێن جیهان، و پ. د. زیرفان عبدالمحسن أسعد، سەرۆکێ زانکۆیا جیهان-دهۆک، و ب پشکداریا سەرۆکێن زانکۆیێن جیهان برێڤەچوو.

د کۆمبوونێدا ب هویری باس ل پێشخستنا کوالێتیا خاندنێ و بلندکرنا ئاستێ ڤەکۆلینێن زانستی هاتە کرن. هەروەسا پلانێن ستراتیژی یێن زانکۆیێ بۆ خۆگونجاندن دگەل پێدڤیێن بازاڕێ کار هاتە گەنگەشەکرن، دگەل جەختکرن ل سەر بهێزکرنا هەماهەنگییا د ناڤبەرا زانکۆیێن گروپێ جیهان دا.

هەر د هەمان چوارچۆڤەدا، سەرۆکێ دەستەیا ئەمینداران دگەل جڤاتا زانکۆیێ و مامۆستایان و فەرمانبەران کۆمبوو، تێدا گەنگەشە ل سەر پێنگاڤێن نوی یێن گەشەپێدانا زانکۆیێ هاتە کرن و دەستخۆشی ل هەولێن مامۆستایان هاتە کرن بۆ پێشکێشکرنا باشترین ئاستێ زانستی و ئەکادیمی.