د چارچۆڤێ بەرنامێ دەزگایێ زەکاتا زانستی دا، ل رۆژا چوارشەمبی رێکەفتی ١٧ی حوزەیرانا ٢٠٢٦ێ، ب دەستپێشخەریا سەرۆکێ زانکویا جیهان-دهۆک، رێکەفتنامەکا هەڤکاری و لێکتێگەهشتنێ د ناڤبەرا زانکۆیا جیهان-دهۆک (ب نوێنەرایەتیا دەزگایێ زەکاتا زانستی) و قائیمقامیا قەزا سێمێلێ هاتە ئیمزاکرن.

ئەڤ رێکەفتنامەیە ب ئامادەبوونا پ. د. زیرڤان عبدالمحسن أسعد (سەرۆکێ زانکۆیا جیهان-دهۆک) و رێزدار دژوار شوکت طاهر (قائیمقامێ قەزا سێمێلێ)، دگەل ستاف و رێڤەبەرێن هەر چوار ناحیێن سەر ب قەزایێ ڤە (تەناهی، مسێریک، خانکێ، فەیدیێ) هاتە ئەنجامدان، ب ئامادەبوونا رێڤەبەێن پەیوەندیدار.

ئارمانجێن سەرەکی یێن رێکەفتنامەیێ:

پێشکێشکرنا خزمەتێن زانستی، ئەکادیمی، هوشیاری و خۆبەخشی یێن جودا جودا بۆ تەخ و چینێن جڤاکی.

پێشڤەبرن و گەشەپێدانا شیانێن پیشەیی یێن فەرمانبەر و خەلکێ دەڤەرێ.

د چارچووڤێ دیدارا ئیمزاکرنا رێکەفتننامێ دا، پ. د. زیرڤان عبدالمحسن أسعد، سەرۆکێ زانکۆیا جیهان-دهۆک، پێشنیارەکا ستراتیژی پێشکێش کر و داخوازی کر کو قەزا سێمێلێ ژبەر پێگەیێ خۆ یێ ئابۆری و جوگرافی ببیتە «پایتەختێ وەبەرهێنانێ» ل دەڤەرێ، پێخەمەت راکێشانا پڕۆژێن مەزنتر و ڤەژاندنا ئابۆری.