زانکۆیا جیهان-دهۆک پێگەهێ خۆ یێ ئەکادیمی پتر بەرهەڤ دکەت ب ڕێیا پشتەڤانیکرنا ڤه‌كۆلینا زانستی و داهێنانێ. د ڤی وێستگەهی دا، هژمارەکا مامۆستایێن زانکۆیا مە هاتنە خلاتکرن ژ لایێ وەزارەتا خواندنا بلند و ڤه‌كولینێن زانستی ڤە ب ڕێیا سوپاسنامەیەکێ ل ڕێکەفتی (26/6/2026) دا، وەک ڕێزلێنان بۆ ب دەستڤه‌ئینانا باوه‌رنامێن داهێنانێ (برا‌وات الاختراع).

تایبەتمەندیا زانکۆیێ:
زانکۆیا جیهان-دهۆک تاکە زانکۆیا تایبه‌ته‌ ل سەر ئاستێ پارێزگەها دهۆکێ کو مامۆستایێن وێ باوه‌رنامه‌یێن داهێنانێ ب دەستڤه‌بینن. ئەڤ چەندە دەربرینێ ژ وێ ژینگەها زانستی دکەت یا کو پشتەڤانیا داهێنانێ دکەت، و دووپات دکەت لسەر پابەندبوونا زانکۆیێ بۆ گۆهۆڕینا بەرهەمێن ڤه‌كۆلنێن زانستی بۆ داهێنانێن کردار دا کو خزمەتا جڤاکی بکەن و پشکداریێ د گەشەپێدانێ دا بکەن.

باوه‌رنامه‌یێن داهێنانێ بووینە ئەڤڕۆ گرنگترین پیڤه‌ر بۆ هه‌لسه‌نگاندنا شیانێن زانکۆیان ل سەر ئاستێ جیهانێ بۆ داهێنانێ، ڤه‌گوهاستنا زانستى، و گونجاندن دگەل پێتڤیاتیێن بازاڕێ کاری و ئابوورێ زانستی

ب ڤێ هه‌لكه‌فتێ، سوپاسیا وەزارەتا خوێندنا بلند دکەین بۆ ڤی خلاتکرنی، و پیرۆزباهییەکا گەرم ل ڤه‌كۆله‌ران دکەین، دگەل هیڤیا سەرکەفتنێن مەزنتر بۆ زانکۆیا جیهان-دهۆک وەک ده‌زگایه‌كێ ئەکادیمیا پێشەنگ د بواری ڤه‌كۆلینا زانستی و داهێنانێ دا.