هزرێن نوی یێن کارگێری بۆ قۆتابیێن زانکویا جیهان-دهوک هاتنە شڕۆڤەکرن:

بەردەوامی دان ب دەولەمەنکرنا شیانێن هزری و تێگەهشتن و زانیاریان، ئێک ژ تەوەرێن گرنگ ل ژێر ناڤ و نیشانێن (هزرێن نوی یێن کارگێری) ژلایێ بەرێز (پرۆفیسۆرێ هاریکار د.بیار محمد رشید عمر) هاریکارێ سەرۆکێ زانکویێ بۆ کارۆبارێن زانستی هاتە پێشکێشکرن، و ئاماژە ب چەندین ب وێ چەندێ هاتە کرن کو هزرێن نوی یێن کارگێری ئەڤرۆ بوویە ئێک ژ فاکتەرێن گرنگێن سەرکەفتنا هەر کارەکی، رێڤەبرن پێتڤی ب پتر پێشڤەچوون و داهێنانێ هەیە، چۆنکە داهێنان ئێک ژ گرنگترین هاندەرێن گەشەپێدان و گۆهرینێ یە بەرەف باشتر، دەمێ هزرێن نوی و داهێنان دگەل کارێ کارگێری هەڤدوو دگرن دێ بیتە پالدەرەک ژ بۆ پەیداکرنا تیمەکا کاری یا تمام و خودان بەرهەم و رێکخستی.