گرۆپێ زانکویێن جیهان یادداشتنامەیەکا لێکتێگەهشتنێ دگەل وەزارەتا پەروەردێ ئیمزا کر:

ئەڤرۆ رێکەفتى (26/7/2022) ب مەرەما خزمەتکرنا پرۆسا پەروەردێ، گروپێ زانکو و پەیمانگەهـ و قوتابخانێن جیهان ب سەرپەرشتیا سەرۆکێ دەستەیا ئەمینداریێ زانکویێن جیهان بەرێز (د.نوزاد یحیى باجگر) ل دیوانا وەزارەتا پەروەردێ یاداشتنامەیەکا لێکتێگەهشتنێ ب ئامادەبوونا بەرێز (د.ئالان حەمە سەعید) وەزیرێ پەروەردێ ئیمزا کر، ل دۆر ڤەکرنا خولێن رێکێن وانەگوتنێ بۆ ماموستایێن پەروەردەیى ل سەرانسەرى کوردستانێ.

د یاداشتێ دا هاتیە، زانکویێن جیهان ل باژێرێن کوردستانێ، ب هەماهەنگى و هەڤکارى دگەل وەزارەتا پەروەردێ خۆلا رێکێن وانەگوتنێ (پێداگۆجى) بۆ (300) ماموستایێن سەر ب وەزارەتا پەروەردێ ڤەکەت،  هەروەسا گرۆپێ زانکویێن جیهان ئامادەیی دەربرى ژ بۆ دابینکرنا گشت پێتڤیێن مرۆڤى و لوجیستى و دارایى یێن خۆلێن ناڤبری، ل دوماهیێ باوەرنامێن بەشداربوون و دەرچوونێ ژلایێ زانکویێ ب سەر بەشداربوویان هێنە دابەشکرن. 

بۆ پتر زانیاریان ل دۆر ناڤەرۆکا یاداشتێ، سەرەدانا لینکێ ل خوارێ بکە: