د چوارچۆڤەیێ پرۆگرام و پلانا دەزگەهێ زەکاتا زانستی دا ل زانکۆیا جیهان-دهۆک، ل ڕۆژا دووشەمبی ڕێکەفتی (8/6/2026) چالاکییێن خۆلەکا ڕاهێنانێ یا تایبەت ب (ڕێڤەبرنا ململانێیا کاری) ب دوماهیک هاتن، پشتی کو دوماهیک وانە ژ لایێ بەڕێز (پ.د. زیرڤان عبدالمحسن أسعد) سەرۆکێ زانکۆیێ ڤە هاتە پێشکێشکرن.

د ڤێ روونشتنا دوماهیکێ دا، کو ب پشکداریا هژمارەکا بەرچاڤ ژ مامۆستا و فەرمانبەرێن زانکۆیێ بڕێڤە چوو، باس ل "ئەگەرێن دروستبوونا ململانێیێ د ژینگەها کاری دا" هاتە کرن، ژ وان ژی: جوداهیا دیتن و بۆچوونان، کێماسیا پەیوەندیان دناڤبەرا ستافی دا، و فشارێن کاری. هەروەسا ستراتیژیێن سەرکەفتی بۆ چارەسەرکرنا ڤان ململانێیان و گۆهرینا وان بۆ خالێن ئەرێنی هاتنە شڕۆڤەکرن.