ل رێکەفتى 12/7/2026، د چارچۆڤێ خولا پێنجێ یا ڕاهێنانا پێداگۆجی یا مامۆستایان، کو ژ لایێ زانکویا جیهان-دهۆک و ب هەماهەنگی دگەل رێڤەبەریا گشتى یا پەروەردا پارێزگەها دهۆک هاتیە ڤەكرن، پێشکێشکرنا وانە و بابەتێن خولێ ب سەرکەفتیانە و پشکداریا کارا یا مامۆستایان بەردەوامە.

د ڤێ خولێ دا پتر ژ 100مامۆستایێن قوتابخانە و ئامادەییێن سەر ب ڕێڤەبەریا گشتی یا پەروەردا پارێزگەها دهۆکێ پشکدارن. وانە ل بن چاڤدێریا لژنەکا تایبەت و ژ لایێ مامۆستایێن پسپۆر و ڕاهێنەرێن شارەزا د ڤان بوارێن سەرەکی دا دهێنە گۆتن (دەروونناسییا پەروەردەیی، پیڤان و هەلسەنگاندن، تەکنۆلۆجیا و ژیرییا دەستکرد (AI)، کارگێڕیا پۆلێ، ڕێکێن وانەگۆتنێ)

ئارمانج ژ ڤەکرنا خۆلا پێداگۆجى، پێشڤەبرنا شیانێن زانستی و ڕێبازێن فێرکرنێ یێن مامۆستایانە، دگەل خۆگونجاند دگەل پێشکەفتنا بلەز یا ئالاڤێن نوى یێن فێرکرن و تەکنۆلۆجیایێ ل دویف ستانداردێن جیهانی.