ژبەركو هەرێما كوردستانێ بەرەڤ هەلبژاردنەكا گشتی وگرنگ ڤە دچیت و بمەرەما بەلاڤكرنا رەوشەنبیریا یاسایی یا هەلبژارتنان دناڤ قوتابی و ستافێ زانكویێ دا، ل روژا دووشەمبی رێككەفتی (14/10/2024) كولیژا یاسا رابوو ب ب گێرانا پەنەلەكی لدوور بابەتێ (سیستەمێ هەلبژارتنا پەرلەمانێ كوردستانێ). دڤێ ووركشوپێ دا دێ چەندین بابەتێن گرنگ و گرێدای هەلبژارتنا ڤە هاتنە گەنگەشەكرن، ژوانا:
.    بابەتێ ئێكێ: (گرەنتیێن هەلبژارتنێن هەرێما كوردستانێ)، دڤی پەنەلی دا بەرێز (سەربەست مصطفی رشید/ سەروكێ بەرێ یێ كومسیونا هەلبژاردنان ل عیراقێ و سەروكێ رێكخراوا ستیپ بۆ دیموكراسی و هەلبژاردنان) ئەو گەرەنتیێن یاسایی و تەكنیكی دیاركرن ئەوێن كو د سیستەمێ هەلبژارتنان دا هەین ژبو گەرەنتیكرنا ئەنجامدانا هەلبژارتنەكا پاك و بێ كێم و كاسی.
.    بابەتێ دووێ: (سیستەمێ كوتا و رولێ ئافرەتێ د هەلبژارتنان دا) كۆ هاتە پێشكێشكرن ژلایێ ماموستا (دلین سردار زهدی/ ماموستایا زانكویێ و رێڤەبەرا سەنتەرێ خواندنێن یەكسانی یا جێندەرناسی ل زانكویا دهوك).
.    بابەتێ سیێ: (تاوانێن هەلبژارتنان) كۆ هاتە پێشكێشكرن ژلایێ ماموستا (د. اری عارف عبدالعزیز/ ماموستایێ زانكویێ و رێڤەبەرێ كلینیكا یاسایی ل كولیژا یاسا/ زانكویا دهوك).
.    بابەتێ چارێ: (سیستەمێ هەلبژارتنا پەرلەمانێ كوردستانێ) كۆ هاتە پێشكێشكرن ژلایێ ماموستا (دلگەش صادق صالح/ مافپەروەر و شارەزایێ هەلبژاردنان).
و لدوماهیا ڤی پەنەلی دەرگەهێ گفتوگویێ و پرسیاران هاتە ڤەكرن و پاشی باوەرنامێن رێزلێنانێ هێنە بەخشین ب پێشكێشكەرێن بەنەلی.