ڕۆژيگرتن و ئاراميا دەروونی
نڤیسین: هیڤی عبدالستار حسن
زانکویا جیهان-دهۆک
بەشێ پەروەردا گشتی

ڕۆژيگرتن نە ب تنێ ئەوە ئەم خۆ ژ خوارنێ و ڤەخوارنێ دویربكەت  بەلكۆ ئەو ڕاهێنانەکا ڕۆحی و مێشکی یە هەڤسەنگيا لەشی و مێشکی و دەروونی مرۆڤی رێك دئێخيت 
ڕۆژيگرتن و كارتێكرنا وێ ل سەر لەش و مێشکێ مرۆڤی:

ڤەكولينێن زانستی يێن نوی هوسا دايیە دياركرن كۆ ڕۆژيگرتن كردارەكە لەشێ مە ژ ماددێن ژەهراوی دهێتە پاراستن چونكی پارچەيێن لەشێ مرۆڤی بۆ نموونە: وەكی دلی و سيهان و مێلاكێ و گەدەی پاقژدكەت و كريارا وان باشتر لێ دكەت و ڕۆژيگرتن ڕێژا شەكرێ دناڤ خوينێ دا رێكدئێخيت و التهاباتن لەشی مرۆڤی  كێم دكەت

ل سەر ئاستێ مێشکی: ڕۆژيگرتن بيرئينانا (تركيز) مرۆڤی باشتر لێ دكەت و مێشكێ مرۆڤی ساڤی دكەت دەمێ مرۆڤ بۆ دەمەکی برسی مینت لەشێ مرۆڤی وان دوهنياتا يێن کومکرین (خزن) كرين دێ بكارئينیت وەكی ژێدەرەك كۆ مرۆڤ هێزێ ژێ وەربگريت ئەڤ چەندە دێ بيتە ئەگەر هەستێ بێهيزیێ كيم بکەت و چالاكيا عاقلێ زێدەدكەت

ئەگەر ئەم بەحس ل لايەنێ دەروونی بکەین:

ڕۆژيگرتن و ئاراميا دەروونی ڕۆژيگرتن نە ب تنێ كردارەکە لەش پێ ڕادبيت بەلكۆ ئەو گەشتەکا ڕۆحی و دەروونی يە دەمێ مرۆڤ ڕۆژی دبيت مرۆڤ دەروونێ خۆ فێردكەت كا چەوا دێ شیان هەبن ئەو هەست و حەزێن خۆ كۆنترۆل بکەت ئەڤ چەندە بيتە ئەگەر مروڤ پاداشتەكێ دەتە ئیرادا خۆ و هەستێ دوودلی كێم بكەت. ل دەمێ ڕۆژيگرتنێ دا مرۆڤ دمينیت برسی و تێهنی وی هەستی ل دەف مرۆڤی پەيدا دكەت بوهايێ نعمەتا خوارنێ ب زانيت يێ خودایێ مەزن ب ڕزقێ مە كری، ئەڤە ببيتە ئەگەر مرۆڤ ب گەهیتە ڕازيبوونا ناخێ خۆ و هەست ب ئاراميا دەروونی بكەت.

ئەرێ ڕۆژيگرتن دبيتە ئەگەرێ ئاراميا دەروونی؟

بەرسڤ راستەوخۆ بەلێ یە، چونکی ڕۆژيگرتن مرۆڤی ڕزگاردكەت ژ كارن و هزرێن شاش و ئەو بيتە دەليڤەك بۆ مرۆڤی دووبارە تشتێن گرنگ خۆ ڕێكبێخيت

پەيوەنديا ڕۆژيگرتنێ دگەل خودایی:

ڕۆژيگرتن پەرستنەکە مە پتر نێزيكی خودایێ مەزن دكەت دەمێ مرۆڤ هەست پێدكەت يێ نيزيكی خودایی دبيت هەستێ ئارامبونا دلی ل دەف مرۆڤی پەيدا دبيت چونكی ڕۆژيگرتن مە فێری بێهن فرەهیێ دكەت و مە فێری هندێ دکەت ئەم د دلوڤان بين دگەل كەسانێن بەرامبەری خۆ. ڕۆژيگرتن دياريەكە ژ دەف خودایێ مەزن بۆ مە، نە ب تنێ بۆ ساخلەميا لەشی بەلكۆ بۆ ساخلەمی و ئاراميا دەروونی ژی.