شەڤا ب تاڤ!

نڤیسین: سەروین سەلیم حەیدۆ
زانکویا جیهان-دهۆک
بەشێ پەروەردا گشتی.

ئەو شەڤا بوویە ڕۆناهی هەمی ئەو پێکوڵێن مە ئەنجامداین ژ بۆ گەهەشتنا”وێ” ل جهێ خۆ مان و دەربازنەبوون و گیانێن مە تژی بوو ژ پەلێن سوور و دژوار و هێدی هێدی بێ ڕاوەستیان ل بەرچاڤێن مە دویر دکەڤتن …و هندی مە ل دویڤ دکرە غار ژکەفتنێن ئەوێ غاردانێ خوینا ڕەنج و زەحمەتێ ژ هەردوو چوکێن مە کەفتنە سەر ئەردێ خەونێن مە، لێ گەرماتییا ڕۆژێ و تاریاتیا شەڤێن ب ڕۆندك و گرین، ئەڤرۆ ب هێزە وەکی بابەکی ل پشت زاڕۆکێن خۆ، ئالایێ قارەمانیێ هەلگرت و ئەو خەونێن دوهی بجهـ نەهاتین ئەڤرۆ چرایێ ڕێییەکێ یێ ل مە ڤەکری، ئەو یا بوویە ڕۆناهی ژبۆ دلێن مە یێن ژ گەرماتییا هەمبێز و ڤیانێ دویرکرین…و یابوویە ڕۆناهییەک ژ بۆ مێشکێن لاواز و داهێلای، ئەوگولا چرمسی و بێ خودان ئەڤرۆ یا گەش دبیت ب ڕۆندکێن سوپاسیێ. “ئەگەر ل وی دەمێ مەدڤێت ئەم ب سەرکەڤین ڕاستە دێ کەیفخوش بین !بەلێ نە هندی وی دەمێ ژ کەیفا زەحمەت و شکەستنێ د سەرکەفتنێ دا ڕۆندکێن ب داغ بڕێژی و بێژی!”من ژدل دڤێت بێژمە خۆ: (سوپاس کۆ تۆ ل وی دەمی ب سەرنەکەفتی، سوپاس تە ئەز د شکەستنێدا ب سەر ئێخستم..).