هڕۆبا “هندە دێ نقووم بیت و هێشتا ب دروستی تام نەکریە ژیانێ”
 

نڤیسین: سیلاڤ احمد محمد
زانکویا جیهان-دهۆک
بەشێ زمانێ ئینگلیزی”وێژە”.

وێهە کەسەکە سیاری گەمیا خوە یە دناڤ دەرییای دا لێ ژ ئەگەرێ شاشیێن ویێن بەردەوام و نەزانینا وی هند نەمایە گەمیا وی نقووم ببیت، دناڤبەرا وی و خەندقینێ دا بهۆستەك یا مای چاڤێ وی زەلامێ عەیال هیر یێن ل موعجیزەیەکێ داکۆ وی بەرەڤ ژیانێ ڤەگەرینیت نە ژبەر خاترا وی، بەلکۆ ژبەر زارۆکێن وی دا نەمینن ئێتیم پیرە دایکا وی دا نەمینیت جەرگ سوتی، هەڤژینا وی یا گەنج نەبیتە بیژن، لێ هڕووبا و پێلێن بەردەوام پتر یێ وی نێزیکی نقوومبونێ دکەن“هندە دێ نقووم بیت و هێشتا ب درستی تام نەکرییە ژیانێ” لێ ژنیشکەکێ ڤە هڕۆبا ڕاوەستیا و هەوایەکێ ئارام هات ئەو هڕۆبا ڕاوەستاند! سەیرە چەوا هەوایەکێ ئارام دشێت هڕوو بایەکێ دژوار ڕاوەستینید! ژنوی زەلامی چاڤێن خوە ڤەکرن یێ تەماشەی دەوروبەرێن خوە دکەت ب چاڤ شەپلینیەکا مەندەهوش، هەتا د ناڤبەرا وی و مرنێ دا پێنگاڤەك نە مای بوهایێ ژیانێ نەزانی، ئەی خودا ئەڤە چ ئارامیا ژ نیشکەکێ ڤە بوو، من چ کریە هەتا تو هندێ دلوڤان بی دگەل من، ئانکو ئەز دێ شێم جارەکا دی دایك و باب و خێزانا خوە بینمەڤە، “ئەز دێ شێم کارەکی بکەم وەکی کۆ ئەز مرۆڤ؟” ئەگەر کارێ مە د ژیانێ دا ب تنێ پەیداکرنا خوارن و ڤەخوارنێ بیت ئەرێ ما هینگی مە چ جوداهی دگەل گیانەوەران هەیە؟ چەند یا جوانە تۆ بژی نە وەکی کەسەك بەلکۆ وەکی مرۆڤەك بژی.
دبێژن هەمی دەستپێك د جوانن لێ ئەو دەستپێکە جوانترە ئەوا ژ دویماهیەکا ب ڕامان ژ دایك بوویی، پترییا تەمەنێ مە دبوریت و ئەم د بێ ئاگایینە ژ وی تشتێ مە هەی و نەی بەلکۆ مە ڕۆتینەکێ بۆ خوە درست کری و چاڤ گرتی ل دویف دچین ئەڤجا ئەو یا گرنگە کانێ کیژ هڕۆبا دێ چاڤێن مە ڤەکەت لێ ب ڕاستی تۆ کەسەکێ کورەی ئەگەر ڕۆژانە هڕۆبا ب سەر تە دا بهێنە خوار و توو چاڤێن خوە نەڤەکەی دبیت  ئەو بایێ ئارام ب ڕەنگێ کەسەكی بیت ل دەوروبەرێن مە لێ ژبەر چاڤ کورەییا مە هەتا نوکە مە بوهایێ وی نە زانیبیت، بۆچی هەتا ئەم تشتەکی ژ دەست ددەین ژنوی دێ بوهایێ وی زانینن؟ یا من د ترسینیت ئەوە هڕۆبایێ ژیانا تە تە بخەندقینیت و موعجیزەیا بایەکێ هین و ئارام ب سەر تەدا نەهێتە خوار هینگی ئەز پتر د ترسم تە خوە ژ دێر و مزگەفتا کربیت و وەکی مرۆڤ نە ژیابی!