106 ماموستایێن په‌روه‌ردا پارێزگه‌ها دهوكێ باوه‌رنامێن خۆلا پێداگوجى ل زانكویا جیهان-دهوك وه‌رگرت

ئه‌ڤرۆ رێكه‌فتى (2/6/2024) ب ئاماده‌بوونا به‌رێز (پ.د.زیرڤان عبدالمحسن أسعد) سه‌رۆكێ زانكویێ، و به‌رێز (د.ئالان حمه سعید) وه‌زیرێ په‌روه‌ردا حكومه‌تا هه‌رێما كوردستانێ، و رێڤه‌به‌رێن په‌روه‌ردێن قه‌زایێن دهوك رۆژهه‌لات و رۆژئاڤا و سێمێلێ، رێوره‌سمێن پێشكێشكرنا باوه‌رنامێن خۆلا پێداگۆجى لسه‌ر ماموستایێن پشكدار هاتنه‌ ئه‌نجامدان، و د په‌یڤه‌كێ به‌رێز سه‌رۆكێ زانكویێ، ئاماژه‌ ب هه‌ماهه‌نگى و هه‌ڤكاریا دناڤبه‌را سازیێن كه‌رتێ حكومى و تایبه‌ت دكر وه‌كو تمامكه‌رێن ئێك، بتایبه‌ت هه‌ردوو بلندترین سازیێن پێگه‌هاندنێ خواندنا بالا و و په‌روه‌ردێ ب مه‌ره‌ما مفا وه‌رگرتن ژ شیانێن هه‌ڤدوو، چ د پێگه‌هاندن و گه‌شه‌پێدانا مرۆڤى یا ماموستایێن په‌روه‌ردێ، چ ژى د بوارێ خزمه‌تكرنا قوتابیێن په‌روه‌ردێ و بهێزكرنا شیانێن تێگه‌هشتن و هزركرنێ د پاشه‌رۆژێ دا، ژلایه‌كێ دى به‌رێز وه‌زیرێ په‌روه‌ردێ، سوپاسیا زانكویا جیهان و ماموستایێن خۆلێ و په‌روه‌ردێن دهوك، و سێمێل كرن ژ بۆ رۆلێ وان یێ به‌رچاڤ د سه‌ركه‌فتنا هه‌ردوو خۆلێن پێداگۆجى، هه‌روه‌سا باسێ رۆلێ كاریگه‌ر و گرنگ یێ ماموستایێن په‌روه‌ردێ كر ژ بَو خۆگونجاندن دگه‌ل ئالاڤێن پێشكه‌فتنێ و پێگه‌هاندن نفشێ نوى و داهاتى، پاشان باوه‌رنامێن پشكداران هاتنه‌ دابه‌شكرن.