بەشێ کارگێرى کار ل زانکویا جیهان-دهوک ل سالا 2017ێ هاتیە دامەزراندن، و دەرچوویێن پولا 12ێ ئامادەیى هەردوو لقێن زانستى و وێژەیى وەردگریت، هەروەسا دەرچوویێت ئامادەییا بازرگانى و پەیمانگەهێن دوو سالى بەشێ کارگێرى کار، پشتى چوار سالێن خواندنێ قوتابى دێ باوەرناما بەکالوریوسێ وەرگرن، ئەڤ بەشە ل زانکویا جیهان دهێتە هژمارتن ژ بەشێن هەرە سەرکەفتى و گرنگ وەسا هاتیە داریشتن تا کو زانیاریێن پێتڤى و ژێهاتى پێشکێشى قوتابیێن کارگێرى بکەت، کو هژمارەکا تەکنیک و ئامرازێن شرۆڤەکارى و چارەسەرکرنا گرفتێن کارێن جیاواز ب خوڤە دگریت دگەل دارشتن و جێبەجێکرنا ستراتیژیی و تێگەهشتنا پیشەیێن کارى.
ئەو رێڤەبەرێن دهێنە ئامادەکرن و پێگەهاندن د بوارێ شروڤەکرن و هزرکرن د داهێنان و کارێ دروست و راستەقینە دا ڤەدگەریت بۆ بەرنامە و پرۆگرامێ بەشێ کارگێرى کار، چونکە بێى بریارا دروست و رێڤەبرنەکا باش بێ گومان دێ بیتە هوکارێ لاوازیا وێ رێڤەبەریێ یان دەزگەهى یێ تێدا کار دکەت.
پەیام
دەرچوویێن ڤى بەشى دهێنە راهێنان و پێگەهاندن ب زانست و زانیاریێن نوى یێن کارگێرى ل دویڤ خواست و پێتڤی یا بازارێ کارى لسەر ئاستێ نافخو و هەرێمى و نیڤدەولەتى، ب رێیا دابینکرنا پرۆگرامەکێ زانستى یێ گونجایى دگەل جور و دلنیایى یا پیڤەرێن جیهانى و سەردەم، سەرەرایى پێشکێشکرنا ڤەکولین و شروڤەکرنان ژلایێ دەرچوویێن ڤى بەشى بۆ جڤاکى د پسپوریا کارگێرى و پێشڤەبرنا سیستەمێ رێڤەبرنێ دا و پشتەڤانیکرنا گەشەیا ئابورى یا گەل و وەلاتى.
دیتن
پێشەنگ بوون د هەمى بیاڤێن کارگێرى دا، کو ببیتە سەرچاوەیێ زانستى و ئەکادیمى د زانستێ کارگێرى و دارایى دا، و بەرهەمئینانا پسپور و شارەزایان ل دویف پێتڤیا جڤاکى و ڤەدیتنا رێکێن کارگێرى یێن ژ هەژى بۆ هەمى بوارێن ژیانێ و رێکخستن و دروستکرنا کادرەکێ کارگێرى و نەهێلا روتینێ د کارى دا.
ئارمانج
ـ ئامادەکرنا دەرچوویێن هەلگرێن پسپوریا پیشەیى بو خزمەتکرنا بوارێن کارگێرى د هەردوو کەرتێن گشتى و تایبەت دا.
ـ گرنگى دان ب تایبەتمەندى و شیانان بۆ پەیداکرنا داهێنان و نویخوازیێ بۆ رێڤەبەر و کارگێرێن پاشەرۆژێ.
ـ دابینکرنا هەمى پێتڤیێن قوتابیان یێن دبنە ئامراز بۆ کاراکرنا شیانێن دەرچوویان یێن زانستێن کارگێرى کو بگونجن دگەل پیڤەرێن ژێهاتى و جورى.
ـ دەولەمەندکرنا زانیاریێن قوتابیان ب رێکا بەشداریکرنا دەرچوویان د پێشکەفتنا زانستى دا د بوارێن کارگێرى دا ب رێکا ئەنجامدانا ڤەکولینێن زانستى و دەستنیشانکرنا کێشان و ڤەدیتنا چارەسەریان بۆ کێشە و گرفتێن کارگێرى و پێشڤەبرنا زانستێ کارگێرى کار.
ـ ئەنجامدانا کور و سمینار و وورک شوپان و کەشت و کونفرانسێن زانستى د بوارێن زانستێن کارگێرى دا و گەنگەشەکرنا بابەت و پروگرامێن سەردەمیانە و راستڤەکرنا شاشیێن کارگێرى دناڤ جڤاکى دا.
پەرپرساتیا رێڤەبەرێن کارى ڤان ئەرکان بخۆ ڤە دبینن:
1. جێبەجێکرنا پێرابوونێن کارى و هەلسەنگاندنا شیانێن فەرمانبەرى.
2. سەرەدەرى کرن دگەل بکر و هەڤالکار و دانوستاندن لدۆر گرێبەست وهەڤبەندا.
3. پاراستنا شارەزایى و پسپورى ل جهێ کارى و ڤەخواندنا کێشێن فەرمانبەران.
4. ئەنجامدانا چاڤپێکەفتن و دامەزراندنا فەرمانبەرێن نموونە یێن مفا ژ رێبازا وان دهێتە وەرگرتن.
5. هاندانا هەڤالکارا و باشترکرنا شتومەک و خزمەتگوزاریان.
6. ئامادەکرنا زانیاریێن دارایى وپەیوەندى کرن و پێگڤەگرێدان دگەل کەرتێ پیشەسازى وهەڤرکان و بریکارێن بازرگانى.
7. پێشڤەبرن و بناڤ و دەنگ کرن بازارگەرى و کێمکرنا خەرجیان.
8. ب رێڤەبرنا بودجان و ئامادەبوون ل کومبوونێن کارى و بزاڤ و چالاکیێن کارگێرى.
بەها(بنەما):
ـ وانەگوتن: وانەگوتنێن کارا و داهێنەر ب رێیا پرۆگرامێن پەیوەندى دگەل هەیى.
ـ پەخشینا خواندنێ: پەخشینا خواندنێ هاندەرێ باشترکرنا زانینێ یە لسەر بنەمایێن رێک وپێک، وباشترین پرۆسێس ب تایبەت رێکێن وانە گوتن، کو هەمان دەمدا دبنە هوکارێن فێرکرنا قوتابیان ب باشترین شێوە.
ـ کولیژ: دەستەیا وانەگوتن و فێرکرنێ ل دویف پیڤەرێن بلند، بێ گومان دێ زویتر پەیامێ گەهینن و زویتر هێتە وەرگرتن، د ئەنجام دا دێ یا تەرخانکرى بیت بۆ فێربوونا قوتابیان.
ـ قوتابى: قوتابیێن زیرەک و خودان بەهرە یێن بەشداریێ د چالاکیان دا دکەن ب مەرەما خۆ پێگەهاندنا کەسایەتى و شارەزبوون د بوارێ پراکتیکى دا.
ـ فێربوون: ژینگەهەکا فێربوونێ یا گونجایى هوکارێ پێشڤەبرنا پەیوەندی و هەڤرکیێ یە بەرەف سەرکەفتنێ ژلایێ قوتابیان.
ـ بەشداریا نیڤدەولەتى: بەشداریا نڤدەولەتى وهەڤکاریا هەمە لایەن هاندەرێ بلندکرنا تێگەهشتنا نیڤدەولەتى یە وبنەمایێ دابینکرنا دەرفەتایە ل هەمبەر پرۆسا خواندن و فێربوونێ.
ـ پیڤەرێن جیهانى: پیڤەرێن جیهانى بەرهەم هێنەرا باشترین پروسێس و رەفتار و رەوشتێن ئاست بەرزە، ڤەرێژا وێ گەشەپێدنا هزرى و بەرەف پێچوون و باشتربوونا بەردەوامە.
ـ فرەجورى: بنەمایێ رازى کرن و رێزگرتنێ یە ل ناکوکیێن مروڤایەتی و ئایدولوژیێ یە.
ـ بەردەوامى: بهێزکرنا پرۆسێسێن بەردەوام د بکارئینانا ژێدەرێن ئابورى و ژینگەه و جڤاکى.
ـ خزمەت: خزمەتا زانکویێ و دیسپلین و جڤاکى کو دبیتە پالدەرێ هەڤکاریا بهێز و فاکتەرێ گەشەپێدانا ئابورى و کارزانی پێشڤە دبەت.
