بەشێ زانستێن کومپیوتەری

سەرەکی > بەشێ زانستێن کومپیوتەری

بەشێ زانستێن کومپیوتەرى ئێک ژ گرنگترین بەشێن زانکویا جیهان-دهوک دهێتە هژمارتن، کو دگەل دامەزراندنا زانکویێ ل سالا 2013 هاتیە دانان، ئەڤ بەشە گرنگیێ ددەتە بکار ئینانا شێوازێن تیورى و پراکتیکى بۆ چارەسەرکرن و ڤەگوهاستنا پێزانینان ب رێیا کومپیوتەرى. ماوێ خواندنێ ل ڤى بەشى چوار سالن، وباوەرناما بەکالوریوسێ پێ دهێتە پەخشین  د بوارێ زانستێن کومپیوتەرى دا. دەرچوویێن دوازدێ ئامادەیى لقێ زانستى دهێتە وەرگرتن هەروەسا دەرچوویێن پەیمانگەهێن دوو سالى و پێنجى سالى یێن پسپوریێن وان گرێدایى کومپیوتەرى بن. هەروەسا ئەڤ بەشە گرنگیێ ددەتە بنیاتنانا پێزانین و زانیاریان یێن تایبەتمەند یێن قوتابیان د بوارێ کومپیوتەرى دا ب مەرەما ئامادەکرنا و رێک خوشکرن د بوارێن پروگرامسازى و ب کارئینانا تورێن کومپیوتەرى و پێشڤەبرنا سیستەمێن جیاواز یێن کومپیوتەرى ل دام و دەزگایێن جورا و جور ل کەرتێ گشتى و تایبەت پشتى دەرچوونێ ژ زانکویێ، ب شێوەى دێ یێ خودان شیان بیت بۆ چوونا ناڤ بازارێ کارى ب سەرکەفتیانە.

پەیام

ئامادەکرنا دەرچوویێن خودان شیان کو بشێن ب سەرکەفتیانە سەرەدەریێ دگەل پروگرام و پروگرامسازی و پێزانینان بکەن دگەل کارکرنێ لسەر دابینکرنا دەرفەتێن گونجایى بۆ گەشەکرن ب شیانێن کومەلگەهى، مفا وەرگرتن ژ دەرئەنجامێ وێ پێشکەفتنا ژ تەکنولوژیا زانیاریان پەیدابووى سەرەرایى پێشەنگە د بوارێن فێرکرن و پەروەردەیى و ئەکادیمى و ڤەکولینان، ب شێوەیەکى کو بەشداربن د ڤەگوهاستنا پێزانین و بنیاتنانا دەزگەهێن جورا وجور بۆ خزمەتکرنا جڤاکى.
 

دیتن

دانانا بنیاتەکێ زانستى ژ داهێنان و پسپورێن زانستێ کومپیوتەرى و پروگرامسازى و وان بوارێن کو پەیوەندى هەیە ب زانست و ئەپلیکەیشنێن کومپیوتەرى، دگەل پێکولێن بەردەوام بۆ ئامادەکرنا پلانان بۆ پێشڤەبرنا ئامرازێن خواندنێ ب مەبەستا گەرنتى کرنا هەمى پیڤەران، هەروەسا رژد بوون لسەر ئامادەکرنا دەرچوویێن ژێهاتى و خودان شیان کو بشێن داخوازى و پێتڤیێن بازارێ کارى پر بکەن و بەردەوام خو بگونجینن دگەل وان گورانکارى و گەشەپێدانا مەزن و بەردەوام دهێتە رویدان د بوارێ تەکنولوژیا پێزانینان و گەهاندنێ دا. هەروەسا بشێن خواندنا خو یا بلند تمام بکەن بو ب دەستڤەئینانا باوەرنامێن ماستەر و دکتورایێ ب بوارێ پسپوریا خودا و ئەنجامدانا ڤەکولینێن زانستى ل ئاستەکێ بلند.

ئارمانج


ـ کارکرن بۆ دەرچوون و بەرهەمئینانا کادرەکێ پسپور کو شیانێن بەرسڤدان و داخازى و پێتڤیێن بازارێ کارى هەبیت کو هەلگرێ زانینا تیورى و پراکتیکى بن و خودان بەهرەمەندیى و شیانێن بلند بن بۆ بکارئینانا کومپیوتەرى  د ناڤ کومەلگەهى دا.
ـ پشتەڤانیکرنا خواندنێن پراکتیکى یێن پەیوەندیدار بۆ پێشڤەبرنا سیستەم و چارەسەریێن پروگرامان.
ـ دانانا وان پروگرامێن راهێنانان یێن دبنە ئەگەرێ بلندکرنا ئاستێ بکارئینانا کومپیوتەرى د بوارێن جودا جودا و دانا رێکێ بۆ هاولاتیان مفایى ژ ڤان خولان وەرگرن، هەروەسا پێشکێشکرنا راوێژ و چارەسەریێن تەکنیکى و هونەرى بۆ کەرتێن جیاواز یێن کومەلگایى.
ـ دابینکرنا پروگرامێن ئەکادیمى یێن پێشکەفتى د بوارێ زانستێ کومپیوتەرى دا کو بگونجیت دگەل پیڤەرێن دلنیایى جورى یێن جیهانى.
ـ دانانا پێزانینێن بنەرەتى و سەرەکى بۆ دەرچوویێن زانستێن کومپیوتەرى بۆ ئەنجامدانا ڤەکولین و تمام کرنا خواندنا بلند، هەروەسا پێدانا شیان و باوەرى بخوبوونێ کو بشێن چ وەکو تاکەکەس یان دناڤا تیمەکێ کار بکەن. 

 

زانیاریێن پەیوەندیکرن ب بەشی

بەشێ زانستێن کومپیوتەری


Building 2 Floor 3

+964 750 000 0000
computer@duhokcihan.edu.krd

8:30 am - 3:00 pm


بەشێ زانستێن کومپیوتەری ستافێ شارەزا
   
بەشێ زانستێن کومپیوتەری
Lecturer
بەشێ زانستێن کومپیوتەری
بەشێ زانستێن کومپیوتەری
بەشێ زانستێن کومپیوتەری
Assistant Lecturer
بەشێ زانستێن کومپیوتەری
Assistant Professor