بەشێ ژمێریارى هاتیە دامەزراندن ل زانکویا جیهان-دهوک ل سالا (2013)، وهەر ل دەستپێکا دامەرزاندنا ڤى بەشى بەردەوام د پێشکەفتنێ دایە. بەشێ ناڤبرى قوتابیێن ئامادەیى وەردگریت ب هەرسێ بەشێن خوڤە یێن زانستى وئەدەبى وپیشەیى. ژبو وەرگرتنێ ل ڤى بەشى پێدڤیە قوتابى شارەزاییەکا باش ب زمانێ ئنگلیزى هەبیت چونکە هەمى وانە ب زمانێ ئنگلیزى نە، زێدەبارى ڤێ چەندێ پێدڤیە قوتابى شارەزاییەکا باش هەبیت د بکارئینانا کومپیوتەرى دا. وژبو ڤێ مەرەمێ قوتابیێن دهێنە وەرگرتن ل ڤى بەشى پێدڤیە بەشدارى خولەکا زمانێ ئنگلیزى ببن بو ماوێ دوو کورسێن خاندنێ ژبو پێشڤەبرنا شیانێن قوتابى ب زمانێ ئنگلیزى. ئەڤ بەشە زانستێ ژمێریارى پێشکێشى قوتابى دکەت لدیڤ پیڤەرێن ژمێریاریا نێڤدەولەتى وسیستەمێن زانیاریێن ژمێریارى وژمێریاریا دارایى یا پێشکەفتى، زێدەبارى ژمێریاریا ئەلکترونى. خاندن ل ڤى بەشى پێکدهێت ژ دوو کورسان بو هەر سالەکێ و بو ماوێ چار سالان، و لدوماهیێ قوتابى دێ پلەیا بەکالوریوس وەرگریت ب زانستێن ژمێریارى، کو دشیاندایە کاربکەت ل کەرتێن ئابوورى یێن جیاواز یێن تایبەت وحکومى.
مەرەما مە پێشکێشکرنا پروگرامێن خاندنێ یێن ژمێریارى ب کوالێتیەکا بلند، بەشێ ژمێریارى رولێ خو دبینیت د کومەلگەهى دا ب رێکا هاریکاریکرنا قوتابیان ژبو خوئامادەکرنێ بو پیشەیا ژمێریارى ب سەرکەفتیانە. هەروەسا بەشێ ژمێریارى هەول ددەت ژبو پێشخستنا خاندنێ وزانینێ د بوارێ ژمێریارى دا ب رێکا پێشکێشکرنا ڤەکولینێن پراکتیکى وتیورى برێکا بکارئینانا کوما پروگرامێن ژمێریارى (Omega ، Peach-Tree) زێدەبارى پروگرامێ (Excel)، وهندەک پروگرام وچالاکیێن دیتر ب مەرەما موکمکرنا پەیوەندیان دگەل ژینگەها کارى وپیشەیى.
بەشێ ژمێریاى رادبیت ب پێشکێشکرنا پروگرامێن ژمێریارى یێن نمونەیى ل زانکویا جیهان-دهوک یا دانپێدان کرى، ژبو ئامادەکرنا قوتابیەکێ خودان زانین بو بکارئینانا تێگەهێن تیورى وپراکتیکى یێن زانیاریێن دارایى ونەدارایى، ب مەرەما ڤەدیتنا چارەسەریێن سەرکەفتى. هەروەسا بەشێ ناڤبرى هەول ددەت ژبو دامەزراندنا ماموستایان ب تایبەت ئەوێن شیان وڤەکولینێن خودان کوالێتیەکا بلند هەین کو مفاى بگەهینیتە قوتابى وپیشەکاران. و ب مەرەما ئامادەکرنا قوتابیان ژبو کارێ پیشەیى، بەشێ ژمێریارى هەول ددەت دەرگەهێ خاندنا ماستەرێ ڤەکەت د ماوێ دوو سالێن داهاتى دا. زێدەبارى ڤێ چەندێ بەشێ ژمێریارى پالپشتیا بەشێن دیتر یێن زانستى دکەت ل زانکویى ب رێکا گوتنا وانەیێن ژمێریارى ل وان بەشان.
. ئامادەکرنا قوتابییان لسەر ئاستەکێ تیورى وپراکتیکى یێ بلند د تایبەتمەندیێن ژمێریارى دا کو بگونجیت دگەل پێشکەفتنێن ئابورى وپێدڤیێن بازارێ کارى دهەمى سەکتەرێن تایبەت وحکومى دا. پەیداکرنا شیانان لدەڤ قوتابى ژبو زانینا تەکنولوژیا نوى ب تایبەت کومپیوتەر وچەوانیا بکارئینانا وێ د بوارێن پراکتیتکى یێن گرێدایى ب ژمێریاریێ ڤە، ب مەرەما گرنتیکرنا بەرهەمئینانا زانستیا نێڤدەولەتى . شلوڤەکرنا دوماهیک پێشهاتەیێن گرێدایى ب تایبەتمەندیا ژمێریارى ڤە ل سەرانسەرى جیهانێ، دگەل پەرەپێدانا حەزا قوتابى ژبو دیڤچوونا ڤان پێشهاتەیان پشتى دەرچوونێ. پەیداکرنا شیانێن زمانێ ئنگلیزى لدەڤ قوتابى، چونکى زمانێ ئنگلیزى رێکا سەرەکیا پەیوەندیا زانستى ورەەشەنبیریە دگەل جیهانێ، ورێکەکە ژبو دیڤچوونا دوماهیک پێشهاتەیان دبوارێ تایبەتمەندیا ژمێریارى دا. .پەرەپێدانا حەز وشیانێن قوتابى ژبو ئەنجامدانا ڤەکولینێن زانستى یێن پێشکەفتى وبەشدارى کرن دپێشئێخستنا ڤەکولینێن زانستى دا پشتراستبوون ژ پەدایکرنا شیانێن بکارئینانا سیستەمێن ژمێریاریێن ئەلکترونى یێن هەڤچەرخ لدەف دەرچوویێن ڤى بەشى، بشێوەیەکى کو شیان هەبن بو پرکرنا پێدڤیاتیێن بازارێ کارى لدەمێ نوکە وپاشەروژێ دا، ژبو گرنتیکرنا پاشەروژەکا گەش پشتى دەرچوونێ
بەشێ ژمێریاری
+964 750 000 0000 [email protected]
8:30 am - 3:00 pm
