بەشێ زمانێ ئینگلیزی ل سالا ٢٠١٣ هاتیە ڤەکرن وەک بەرسڤەک بو وان داخوازیی و پێتڤیا زێدە ب بسپوریا زمان و ئەدەبیاتێن ئینگلیزی، تایبەت پشتی ئەو گەشەیا بەرجاڤ ل هەرێما کوردستانێ لەورا ئەم د بینن کو فاکولتی و بسپۆریی فێرخوازێن ڤی بەشی و ئاسانکاری بو ڤی بەشی بەرەف زێدەبون ڤەنە.
پەیام
کارنامە
ئارمانجا ژ بەشێ زمانێ ئینگلیزی پێشڤەبرن وگەشەکرنا زانین و زانستێ قوتابییان ژ لایێ زمان وئەدەبی ڤە، هەر وەسا کار دکەت بو بەرهەفکرن و ئامادەکرنا قوتابیان پشتی دەرچوونێ ب پلەیا بەکالریوس کو دبەرهەف بن بو هەر دەلیڤەکا کار ل دویف بسپورییا خواندنا وان و گوهرینێن شێوەکێ بلەز و تەکنیکی ل گور رێباز و دیاردێن ناڤنەتەویی و پێشکەفتی.
دیتن
خواست و دیتن
بەشێ زمانێ ئینگلیزی کار دکەت ژ بو ئاڤاکرنا ناڤەندەکا ناڤدار ولدویف ستاندارتێن جیهانی ژ بو بهێزکرنا پروسا خواندن و فێربونێ و بەرهەفکرنا قوتابییان ژ بو بەرپرسایەتی وکارسازییا پاشەروژێ، ئەڤ خواست و دیتن د بنە هاریکار ژ بو پێشبینیێت زانکویێ ب شێوەکێ گشتی
ئارمانج
ئارمانج بەشێ زمانێ ئینگلیزی:
- بەرهەفکرنا قوتابیێن پێگەهشتی و د بەرهەف و کونجایی ژ بو جهێن کاری پشتی دەرچونێ.
- بەرهەفکرنا دەرچویان ژ بو خواندنا بلند.
- بلندکرنا ئاستێ رەوشەنبیری و زانستی یێ جڤاکی ب ریێا زمانێ ئینگلیزی وەک زمانەکێ جیهانی.
- خورتکرنا پەیوەندیێن کەلتوری ب رێیا ئالوگورییا زمان و ئەدەبیاتێن.
