ل رۆژا سێشەمبى رێکەفتی ١٢ێ گولانا ٢٠٢٦ێ، ب مەرەما بهێزکرنا پەیوەندیێن ئەکادیمی و زانستی، شاندەکێ زانکۆیا جیهان-دهۆک ب سەرۆکاتیا بەڕێز (پ. د. زیرەڤان عبدالمحسن أسعد)، سەرۆکێ زانکۆیێ، سەرەدانا پەیمانگەها برایت مایندز یا تەکنیکی و پیشەیی کر و ژ لایێ بەڕێز (د. ساڵح مستەفا) ڕاگرێ پەیمانگەهێ ڤە هاتە پێشوازیکرن.

د کۆمبوونەکێ دا، سەرۆکێ زانکۆیێ جەخت ل سەر گرنگیا هەماهەنگیێ د ناڤبەرا زانکۆ و پەیمانگەهان دا کر بۆ بلندکرنا ئاستێ زانستی و پیشەیی یێ قوتابیان. هەروەسا ئامادەییا زانکۆیا جیهان دیار کر بۆ پشکداریکرنێ د گەشەپێدانا پرۆسەیا خویندنێ دا ب رێکا کارێن پێکڤەیی و گۆهۆرینا شارەزایێن زانستی، د پێخەمەت خزمەتکرنا جڤاکی و گەنجێن دەڤەرێ. ژ لایێ خۆ ڤە، ڕاگرێ پەیمانگەهێ خۆشحالیا خۆ ب ڤێ سەرەدانێ دیار کر و تەبایی ل سەر ڤان ئارمانجێن هەڤپشک نیشاندا.