زانکویا جیهان-دهوک ڕێوڕەسمێن ب دویماهیک ئینانا خۆلا شێواز و رێکێن وانەگۆتنێ (پێداگۆجی) بۆ مامۆستایێن پەروەردێن (ڕۆژهەلات، ڕۆژئاڤا، سێمێل) ئەنجامدا:

ئەڤرۆ رێکەفتی (6/9/2022) زانکویا جیهان-دهوک ب ئمادەبوونا بەرێز (پ.هـ.د.زێرڤان عبدالمحسن اسعد) سەرۆکێ زانکویێ ڕێ و ڕەسمێن ب دۆماهیک ئینانا خۆلا شێواز و رێکێن وانەگۆتنێ ئەنجامدان، ب ئامادەبوونا بەرێز (مامۆستا عمر علی تەها) رێڤەبەرێ گشتی یێ پەروەردا پارێزگەها دهوکێ، و خانم (اواز احمد) ڕێڤەبەرا مەشق و ڕاهێنانێ.

خۆلا پێداگۆجی دەرئەنجامێ ئیمزاکرنا ڕێکەفتنەکا هەڤکاریێ بوویە ب دەستپێشخەریا سەرۆکێ دەستەیا ئەمینداریا زانکویێن جیهان بەرێز (د.ئالان حەمە) وەزیرێ پەروەردێ، بۆ مامۆستایێن قۆتابخانێن پەروەردێن پارێزگەهێن  (دهوک، هەولێر، سلێمانی)،  هژمارەکا مامۆستایێن زانکویێ یێن خۆبەخش وەکو ڕاهێنەر ژ بۆ پێشکێشکرنا وانێن گرێدایی رێکێن وانەگۆتن و فێرکرن و کۆمپیۆتەر و تەکنولوجیا زانیاریان د خۆلێ دا پشکداربوون.

د چارچۆڤێ (زانکو و قۆتابخانە) تمامکەرێن هەڤدۆنە لەوما زانکویا جیهان-دهوک سەرەڕایی کارێ سەرەکی پێگەهاندن و بەرهەمئینانا نفشەکێ ئاڤاکەر ژ بۆ خزمەتکرنا گەل و وەلاتی، لێ دگەل هندێ زانکو بێ بەهر نەبوویە د پێشکێشکرنا خزمەتێن پەروەردەیی و فێرکرن بۆ تەخا ممۆستایان وەکو ئێک ژ سازیێن گرنگ د پەروەردەکرن و فێرکرنا قۆتابیاندا و پێشڤەبرنا جڤاکی، چۆنکە مامۆستا رێنیشاندەر و ئامرازێن پێگەهاندنا نفشێ  نوکە و پاشەرۆژێ نە، لەوما ب سەرپەرشتیا ئێکسەر یا سەۆکێ زانکویا جیهان-دهوک و ل ژێر چاڤدێریا لژنەکا چاڤدێر خۆلا ناڤبری بۆ ماوێ شەش حەفتیان یا بەردەوام بوو. جهێ ئاماژەپێکرنێ یە خۆل ژلایێ ڕێڤەبرن و ڕێکخستنا وانێن ڕۆژانە ژلایێ مامۆستا (سالار فيصل نوري) د هاتە ئەنجامدان.
ئەڤرۆ باوەرنامێن پشکداربوونێ لسەر بەشداربوویان هاتنە دابەشکرن.

 هەروەسا بەرێز سەرۆکێ زانکویێ و رێڤەبەرێ گشتی یێ پەروەردێ سۆپاس و پێزانینێن خۆ ئاراستەی هەڤدوو کرن ب تایبەت رێکخەر و مامۆسایێن پشکدار د خۆلێ دا ژ بۆ خەمخۆریا وان ل هەمبەر ماندیبوون و دلسۆزیا وان ژ بۆ پێشڤەبرن و بهێزکرنا بەهرەو شیانێن گەهاندنا زانیاریان بۆ پشکدارێن خۆلێ ل دویف پیڤەرێن ستانداردێن جیهانی.