زانکویا جیهان-دهوک پێشوازى ل گەشتەکا زانستى یا قوتابیێن پەیمانگەها ڕەند دکەت:
ئەڤرۆ رێکەفتى (13/10/2021) زانکویا جیهان-دهوک پێشوازى ل (60) قوتابیێن بەشێ زانستێن کومپیوتەرى یێن پەیمانگەها ڕەند یا تایبەت کر ب سەرپەرشتیا سەرۆک بەشێ ناڤبرى ماموستا (پێشوار عیسى) و خانم (شلوڤە عزت) جێگرا رێڤەبەرێ پەیمانگەهێ گەشتەکا زانستى بۆ ناڤا زانکویێ ئەنجامدا، ل دەستپێکێ د سەرەدانەکێ دا بۆ رێڤەبەریا وەرگرتن و تۆمارێ و رێنما و شێوازێ وەرگرتنێ بۆ قوتابیان هاتە شرۆڤەکرن، و مەرجێن وەرگرتنا قوتابیان ل  بەشێ زانستێن کومپیوتەرى ل زانکویا جیهان هاتنە باس کرن، هەروەسا ل هۆلا پێشمەرگە پەیڤا زانکویێ و پەیمانگەهێ ژ هەردوو لایا هاتە پێشکێشکرن، پاشان کورتیەک ل دۆر بەشێ زانستێن کومپیوتەرى و گرنگیا بەشى بۆ قوتابیان و پاشەرۆژێ هاتە پێشکێشکرن ژلایێ بەرێز (د.رەزوان محمدصالح نجم الدین) سەرۆک بەشێ ناڤبرى.
هەر درێژەپێدان ب گەشتا زانستى سەرەدانا تاقیگەهێن کومپیوتەرى هاتە کرن و باس ل رۆل و گرنگیا تاقیگەهێ و بابەتێن دهێنە خواندن کر، پاشان گەریانەک ل ناڤا جوانى و ژینگەها زانکویێ ئەنجامدا.