د چارچۆڤێ گرنگیدان ب چالاکیێن وەرزشی دا، یەکا وەرزشی ل زانکۆیا جیهان-دهۆک قارەمانیا بلیاردێ یا تایبەت ب فەرمانبەران ڤە ئەنجامدا.

ل رۆژا سێشەمب رێکەفتی ١٩/٥/٢٠٢٦ و پشتی ب دۆماهی هاتنا قارەمانیێ، سەرکەفتی ژ لایێ بەرێز (پ.د.زیرڤان عبدالمحسن أسعد) سەرۆکێ زانکۆیا جیهان-دهۆک ڤە هاتنە خەڵاتکرن.

ئەڤ قارەمانیە د ناڤبەرا ستافێ کارگێڕی یێ زانکۆیێ دا بڕێڤەچوو، کو تێدا هەڤرکیەکا وەرزشی یا سەرنجڕاکێش هاتە دیتن. ل دۆماهیا رێوڕەسمان، دیاری و خەڵاتێن ڕێزلێنانێ ل سەر سەرکەفتیان و سەرجەم پشکدارێن قارەمانیێ دا هاتنە دابەشکرن.

گرنگیا وەرزشێ ل زانکۆیا جیهان:
زانکۆیا جیهان-دهۆک وەرزشێ وەک پشکەکا سەرەکی ژ ژیانا ئەکادیمی دبینیت، لەورا بەردەوام یا پشتەڤانە بۆ ئەنجامدانا ڤان جۆرە چالاکیان. زانکۆ باوەریەکا تمام یا ب وێ چەندێ هەیە کو ژینگەها خواندنێ پێدڤی ب چالاکیێن جەستەیی و دەروونی هەیە دا کو هەڤسەنگیەک د ناڤبەرا زانست و تەندروستیێ دا دروست ببیت.