گازا عیراقێ و پەیوەندیا وێ دگەل بودجێ د گەنگەشەکا ڤەکرى دا ل زانکویا جیهان-دهوک:
ئەڤرۆ رێکەفتى (1/3/2021) سەنتەرێ ڤەکولین و راوێژکارى ل زانکویا جیهان-دهوک ب ئامادەبوونا بەرێز (پروفیسورێ هاریکار د.زیرڤان عبدالمحسن أسعد) سەرۆکێ زانکویێ وورک شوپەک لسەر شێوازێ ئونلاین پروگرامێ زووم ل ژێر ناڤ و نیشانێن (هەلسەنگاندنا کەرتێ گازا عیراقێ و کارتێکرنا وێ لسەر بودجێ) هاتە گەنگەشەکرن ب مێهڤانداریا پسپورێ ئابورى ل زانکویا بەغدا بەرێز (د.صفوان قصي عبدالحلیم)، هەژى یە بێژین هژمارەکا سەرۆک بەش و ماموستا و شارەزایێن ئابورى و کەسایەتى و رەوشەنبیرێن جودا جودا ژ زانکو و پەیمانگەهێن هەرێما کوردستانێ و عیراقێ بەشداربوون، و چەندین تەوەرێن گرێدایى بابەتێ ناڤبرى هاتنە گەنگەشکرن ل دۆر چاوانیا مفا وەرگرتن ژ سەروەت نەفتێ ب مەرەما گەشەپێدانا ژیوارێ ئابورى یێ نوکە و پاراستنا مافێ نفشێن داهاتى ب رێیا ڤان پێنگاڤێن ل خوارێ دیار کرى:
ـ پەیداکرنا فرەژێدەرێن ووزێ وەک ووزا تیشکا رۆژێ و مفا وەرگرتن ژ ئەزموونا شاهنشینا عەرەبستانا سعودیێ.
ـ کاراکرنا یاسایەکا ئێکگرتى یا گاز و غازێ.
ـ یاسا بەلافکرنا داهاتێن دارایى و گەرنتیکرنا مافێن هەرێما کوردستانێ.
ـ کێمکرنا هەدەردانا گشتى و دانانا سنورەکى بۆ دیاردا گەندەلیێ.
ـ جەخت کرن لسەر دویرکرنا مایتێکرنێن سیاسى لسەر کەرتێ گازێ.
ـ ڤەکرنا دەرگەهێ وەبەرهێنانا نافخویى و دەرڤە دەربارەى کەرتێ گازێ.
ـ پێرابوونا وەزارەتا سەروەرت و سامانێن سروشتى ب فروتنا پشکێن گازێ بۆ تاکێ عیراقى ب رێیا بازارێ دارایى.
ـ کونترولکرنا کێمیا دارایى ب رێیا وەبەرهێنانا پتروکیماوى.
ـ زەلالى د سەرەدەرى کرنێ و دگەل هەموارکرنا بودجێ لسەر بنەمایەکێ زانستى نەیێ رێژەیى.
ل دوماهیێ دەرگەهێ دانوستاندنێ هاتە ڤەکرن و ژلایێ پسپوران هاتنە بەرسڤ دان.