روژا جیهانی یا سرکردنێ هاتە ساخکرن
روژا جیهانی یا سرکردنێ هاتە ساخکرن
ل ژێر راسپاردێن سەروكێ زانكويا جیهان-دهوک زور بەرێز (پروفيسور د. زێرەفان عبدالمحسن اسعد) بەشێ سركردن ب خوشحالیڤە رابوو ب رێکخستنا کونفرانسەکێ مەزن ب هەلکەفتا روژا جيهانيا سركردنێ ل ژێر ناڤ و نيشانێن (FAWP#) ل رێکەفتی (١٥/١٠/٢٠٢٥) . کو تێدا تیشک دانانە سەر رولێ سرکردنێ د پزیشکیا نوی و هەڤچەرخ دا دگەل دیارکرنا پێشڤەچوونا بەشێ سرکردن ژلایێ ئەکادیمی و پراکتیکی ، ب رێکا ئەنجامدانا چەندین چالاکیێن زانستی و ئەکادیمی و پراکتیکی.
تەوەرێت سەرەکی یێن ڤێ هەلکەفتێ پێکدهاتن ژ ڤان خالێن دیارکری:
١. دەستپێکرن ب سمینارەکا زانستی ژلایێ سەروکێ بەشێ سرکردن زور بەرێز (د.محمد عبدالامير ) تایبەتمەندێ بێهوشکرنێ، دەربارەی دەستکەفت ە پێشڤەچوونا بەردەوام یا بەشێ سرکردن ل زانکویا جیهان-دهوک.
٢. پێشکێشکرنا سمينارەکا زانستی ژلايێ چەند قوتابيێن بەشێ سرکردن ل زانکویێ دەربارەی مێژوویا سرکردنێ، دگەل دیارکرنا داهێنان و پێکڤە کارکرنێ.
٣. پەنەلەک هاتە دانان دەربارەی پێشکەفتنا زانستێ سرکردنێ ب بەژداریکرنا بەرێز(د.محمد عبدالامير ) نوژدارێ تایبەتمەندێ سرکردنێ و سەروک بەشێ سرکردن ل زانکویا جیهان-دهوک، بەرێز (درمضان جعفر) نوژدارێ تایبەتمەندێ سرکردنێ، بەرێز (د.ادریس حسێن) نوژدارێ تایبەتمەندێ سرکردنێ، و بەرێز(ماموستا هێلین مصطفى) بریاردەرا بەشێ سرکردن. کو تێدا بەحسێ شارەزاییا خو کرن دەربارەی دوماهیک داهێنان و بەربەستێن دهێنە پێش د زانستێ سرکردنێ دا ل دەمێ نشتەگەریان دا.
٤. شلوڤەکرنا راهێنانێن پراکتیکی ژلایێ قوتابیان ڤە ب سەرپەرشتیا بەرێز (م. بسام شوکت اسماعیل ) شارەزایێ سرکردنێ و ڤەگێر ل تاقیگەهێن پزیشکی. دڤێ چالاکیێ دا قوتابی رابوون ب پێشکێشکرنا چالاکیێن پراکتیکی و دیارکرنا وان شیانێن پێتڤی بو کارێ سرکردنێ، ل تاقیگەهێن بەشێ سرکردنێ ل زانکویا جیهان-دهوک.
ئارمانجا سەرەکی ژ ڤێ چالاکیێ بو ناساندن و پتر دیارکرنا زانستێ سرکردنێ و زانياری دەربارەی هولێت نشتەگەريان، هاندانا زانستی و دروستکرنا هەماهەنگیی دناڤبەرا قوتابی و دکتور و مامۆستایێن زانستی، دگەل دیارکرنا دوماهیک پێشهاتێن زانستی و پراکتیکی.
