بهەلكەفتا سال روژا جیهانی یا بەرهنگاربوونا توندوتیژیێ دژی ئافرەتان كولیژا یاسا بهەڤپشكی دگەل بەشێ پەروەردا گشتی ل زانكویا جیهان - دهوك رابوون ب ئەنجامدانا پەنەلەكی لدوور (رولێ دەزگەهێن یاسایی و دادگەری و جڤاكی د بەرهنگاربوونا توندوتیژیێ دژی ئافرەتێ)  ب مێڤانداریا هەر چوار بەڕێزان:

پڕۆفیسۆر (د.ئیسماعیل ئەبابەکر بامەڕنی/ ماموستایێ زانکویێ و ڕاوێژکارێ سەنتەرێ خێزانی یێ ڕێڤەبەریا بەرهەنگاربوونا تۆندۆتیژیا خێزانی).

دادوەر (هدی زاهد سلێمان - دادوەرا ڤەکولینێ یا تۆندۆتیژیا خێزانی).

عەقیدێ مافپەروەر(شڤان ئیسماعیل حوسێن/ بەرپرسێ جولانەوە و تاوان ل ڕێڤەبەریا تۆندۆتیژیا خێزانی)

(د.ئەنەس محمد شریف طاهر / ئەندامێ مەکتەبا تەنفیزی یا ئێکەتیا زانایێن ئایینێ ئیسلامی کوردستان )

لدەستپێكێ وپشتی بخێرهاتنا مێڤان و ئامادەبوویان،  چەند چرکەیان ڕاوەستان وەک ڕێزگرتن بۆ گیانێ پاقژێ شەهیدان دەست ب پەنەلی هاتە كرن و بڤە شێوەیی:

لدەستپێكێ  راگرئ كولیژا یاسا پروفیسورئ هاریكار (د.ڕێبەر  حسین) پەیڤا زانكویێ پێشکێش كر سەبارەت گرنگیا روژا جیهانی یا بەرەنگاریبوونا توندوتیژیا دژی ئافرەتان، و پاشان دەلیڤە هاتە دان بۆ بەشداربوویێن پەنەلی و بڤی شێوەیی:

تەوەرێ ئێكێ هاتە پێشكێشكرن ژلایێ روفیسور (د. ئيسماعیل ابابكر بامەرنی) ماموستایێ زانكویێ و راوێژكار ل سەنتەرێ خێزانی یێ رێڤەبەریا بەرەنگاریبوونا توندوتیژیا خێزانێ ،لدوور (تێبینیی لسەر یاسایا بەرهنگاربوونا توندوتیژیێ دژی ئافرەت و خێزانێ ل كوردستانێ).

تەوەرێ دووێ هاتە تەرخانكرن بۆ دادوەر (هدی زاهد سلیمان) دادوەرا ڤەکولینێ یا توندوتیژیا خێزانی، كو بابەتەك پێشكێشكر لدوور (رولێ دادگەهێ د بەرهنگاربوونا توندوتیژیێ دژی ئافرەتێ).

هەروەسا د تەوەرێ سیێ دا دەلیڤە هاتە دان بۆ عەقیدێ ماف (شڤان اسماعیل حسین/بەرپرسێ جولانەوە و تاوان ل رێڤەبەریا توتدوتیژیا خێزانی) كۆ تیشكەك بەردا سەر (رولێ رێڤەبەریا بەرهنگاربوونا توندوتیژی دژی ئافرەت وخێزانێ ل پارێزگەها دهوكێ).

ول تەوەرێ چارێ و دوماهیێ هاتە تەرخانكرن بۆ (د. انس محمدشریف طاهر/ئەندامێ مەكتەبا تەنفیزی یا ئێكەتیا زانایێن ئاینی ئیسلامی كوردستان) لدوور (رولێ زانایێن ئاینی دبەرهنگاربوونا توندوتیژی دژی ئافرەت وخێزانێ).

پاشان دەرگەهێ دان وستاندنێ و پرسیاران هاتە ڤەكرن بۆ ئامادەبوویان و بەرسڤ هاتە دان ژلایێ بەشداربوویێن پەنەلی ڤە.

لدوماهیا ڤی پەنەلی هێمایێن رێزلێنانێ بۆ بەشداربووێن پەنەلی هاتنە پێشكێشكرن ژلایێ راگرێ كولیژا یاسا ڤە.