د چارچۆڤێ بهێزكرنا دیتنا ستراتیژى بۆ ڤەكۆلینێن زانستى و داهێنانێ دا، ئەڤرۆ رۆژا دووشەمبى رێكەفتى ٢٢ى حوزەیرانا ٢٠٢٦ێ، ب چاڤدێرى و بەرهەڤبوونا وەزیرێ خواندنا بالا و ڤەكۆلینێن زانستى به‌رێز د. ئارام محمد قادر، د رێورەسمەكێ فەرمى دا رێزلێنان ل (٥١) پایه‌بلند و كەسایەتیێن زانستى ژ مامۆستایێن زانكۆیان هاتە كرن، ئەوێن كو باوەرنامێن داهێنانێ و نویگەریا زانستى ب دەستڤە ئیناین.

ئەڤ هه‌لكه‌فته‌ و چالاكیا ئەكادیمیا بلند، ب شانازیڤه‌ رێزلێنان ل سەرۆكێ زانكۆیا جیهان-دهۆك پڕۆفیسۆر دكتۆر زیرفان عبدالمحسن أسعد، و هاریکارێ سەرۆكێ زانكۆیێ پڕۆفیسۆر دكتۆر بیار محمدرشید عمر هاتە نیشاندان، د ناڤ وێ دەستەژبژارەیا ڤەكۆلەر و داهێنەران ل سەر ئاستێ هەرێمێ.

ئەڤ شایستەبوونا زانستى نەک بتنێ رێزلێنانەكا كەسى یە، بەلكو رەنگدانەڤەكا راستەقینە یا رۆلێ وان یێ سەركردایەتیێ یە د دەولەمەندكرنا بوارێ ئەكادیمى دا، و ئاراستەكرنا رێڕەوێن ڤەكۆلینێن زانستى بەرەف چارەسەریێن داهێنەرانە یێن كو خزمەتا گەشەپێدانا بەردەوام دكەن. هەروەسا ئەڤ دەستكەفتە بەرجەستەكرنەكا زیندى یا ئاراسته‌یێ زانكۆیا جیهان-دهۆك و پێگیکێریا وێ یا بەردەوامە بۆ دابینكرنا ژینگەهەکا پالده‌ر بۆ ڤەكۆلینێن زانستى، راكێشانا شیانێن بلند، و چاڤدێریكرنا هزریێن پێشەنگ، كو ئەڤە ب شێوەیەكێ ئێكسەر پشكداریێ د بلندكرنا ريَزبةنديا زانكۆیێ د ثيظةريَن زانستى یێن جیهانى و ناڤخۆیى دا دكەت و پێگەهێ وێ يێ ئەكادیمى یێ پێشەنگ بهيَزتر لێ دكەت.