ب دویماهى هاتنا خۆلا راهێنانێ ژلایێ كولیژا په‌رستارى ل دۆر فشارا خوینێ ل رێكه‌فتى 23/7/2024، كۆلیژا په‌رستارى دویماهى ب خۆلا راهێنانا، كو باس ل شاره‌زابوون و شیانێن د بوارێ پیڤانا فشارا خوینێ  كر، د ڤێ خۆلێ دا پشكدار ئاگه‌هداربوون ژلایێ ئه‌نه‌تووم و فیزیۆلوژیا سیسته‌مێ سوور یێ خوینێ، هه‌روه‌سا هاتنه‌ فێركرن ل دۆر چاوانیا كاركرنا فشارا خوینێ و شێوازێ رێكخستنا فشارێ دناڤ خوینێ دا. پشكدارێن خۆلێ فێرى بكارئینانا ئامیرێن ده‌ستى و ئۆتۆماتیكى یێن فشارا خوینێ بوون، و ئاماژه‌ ب چاوانیا فێربوون و پێگه‌هاندنێ هاته‌ كرن د بوارێ خواندنا هویر بۆ گشت نه‌خۆشێن ته‌مه‌نێن جیاواز. زێده‌بارى كارێ پراكتیكى، پشكدارێن خۆلێ، چه‌ندین ته‌وه‌ر و بابه‌تێن گرنگ د بوارێ فشارا خوینێ دا دناڤبه‌را خۆ دا گه‌نگه‌شه‌كرن بتایبه‌ت بلندى و نزمیا فشارا خوینێ.