ل دویف راسپاردێن بەرێز (پ.د. زیرڤان عبدالمحسن أسعد) سەرۆکێ زانکویا جیهان-دهۆک، و ب مەرەما گرنگیدان ب بەرنامێ هۆشیاری و گەشەپێدانا تەخ و چینێن جودا یێن جڤاکی، د چارچووڤێ پڕۆژێ ده‌زگایێ (زەکاتا زانستی) یێ زانکۆیێ و ب هەماهەنگی دگەل سەنتەرێ پێشمەرگە یێ ڕەوشەنبیری، رۆژا ئێک شەمبی رێکەفتی ٢٠٢٦/٧/١٢ خۆلەکا تایبەت یا ڤێڕاگەهشتنێن دەستپێکى هاتە ڤەکرن.

ئەڤ خۆلە بۆ ماوێ حەفتیەکێ دێ یا بەردەوام بیت و هاتیە رێکخستن بۆ:

ـ یەکا مەیدانی یا پزیشکی (فرقا ٩) یا پێشمەرگەی.
ـ یەکا مەیدانی یا پزیشکی یا لیوا و فەوجێن (فرقا ٩) یا پێشمەرگەی.

ئەڤ خۆلە دێ هێتە پێشکێشکرن ژ لایێ بەرێزان:

ـ م. بسام شوکت: ڕاهێنەرێ نیڤدەولەتی و بسپۆرێ بێهۆشکرن و چاڤدێریا چڕ.

ـ م. رەیان سدیق: ڕاهێنەرێ نیڤدەولەتی و ڕێڤەبەرێ تاقیگەهێن پزیشکی ل زانکویا جیهان-دهۆک.