ب سه‌رپه‌رشتیا ستافێ ماموستایێن به‌شێ كارگێرى كار، هژماره‌كا قوتابیێن قوناغا چوارێ ل زانكویا جیهان-دهوك ووركشۆپه‌كێ زانستى ئه‌نجامدا ل ژێر ناڤ و نیشانێن "دێ چاوا پرۆژێ ته یێ سه‌ركه‌فتى بیت"
ب سه‌رپه‌رشتیا ستافێ ماموستایێن به‌شێ كارگێرى كار، هژماره‌كا قوتابیێن قوناغا چوارێ ل زانكویا جیهان-دهوك ووركشۆپه‌كێ زانستى ئه‌نجامدا ل ژێر ناڤ و نیشانێن "دێ چاوا پرۆژێ ته یێ سه‌ركه‌فتى بیت" چه‌ندین ته‌وه‌رێن گرنگ گه‌نگه‌شه‌كرن، ئێك ژ وان قوتابیان بناڤێ سیدرا باس ل چاوانیا دیتنا هزرا پرۆژێ سه‌ركه‌فتى كر ب رێیا ده‌ستنیشانكرنا شیان و به‌هره‌یان، هه‌روه‌سا ڤه‌دیتنا چاره‌سه‌ریان بۆ كێشێن په‌یدا د بن، یان خواندنا وان كێم و كاسیێن پێتڤى و كه‌ل و په‌لان د بازارى دا.
ژلایه‌كێ دى قوتابى (ناڤین دلشاد) باس ل چاوانیا ئه‌نجامدانا خواندنێن ده‌ستپێكى كر بۆ پرۆژان، ب رێیا پێشبینیكرنا بهایێن ده‌ستپێكى و ده‌ستنیشانكرنا شیانێن پێتڤى، و رێكێن كومكرنا دارایى یا پێتڤى بۆ سه‌ركه‌فتنا پرۆژه‌ى. هه‌روه‌سا قوتابى (جولى شعبان) و (میهڤان موسى) باس ل بابه‌تێ خواندنا شیانێن تێر و ته‌سه‌ل كرن، شرۆڤه‌یه‌كا به‌رفره‌هـ پێشكێشكر ل دۆر هویركاتیێن پرۆژه‌ى ب ژماره و داتا، وخواندنا بازارى و خواستا گشتى لسه‌ر به‌رهه‌م و پێشبینیێن پاشه‌رۆژێ گه‌نگه‌شه‌كرن.
ل دویماهیا ووركشۆپى، قوتابى (صهیب تتر) باس ستراتیژیێن كارگێریا پرۆژه‌ى كرن و چاوانیا گرتنا پرۆژه‌ى ب شێوه‌یه‌كێ كارا، ده‌ستپێ دكه‌ت ژ قوناغا ده‌ستپێكى و هه‌تا جێبه‌جێكرنا پلانا پێتڤى و دویفچوونێ ب رێیا ئاراسته‌كرن و ڤادێریێ. هه‌روه‌سا ده‌رگه‌هێ دانوستاندنێ ژلایێ قوتابىان هاته ڤه‌كرن و داخاز هاته كرن كو به‌رده‌وامى ب ڤان جوره ووركشوپێن زانستى و پراكتیكى بهێته دان.
