خۆله‌كا راهێنانێ بۆ هژماره‌كا قوتابیێن كولیژا یاسا ل زانكویا جیهان-دهوك  ل رێكه‌فتى (25/7/2024) خۆله‌كا راهێنانێ هاته‌ رێكخستن بۆ هژماره‌كا قوتابیێن كولیژا یاسا یا زانكویا جیهان-دهوك دگه‌ل هژماره‌كا قوتابیێن كولیژا یاسا ل زانكویا دهوك، ل دۆر (مافێن زیندانى و دادگه‌هكریان د چارچووڤێ یاسا نیڤده‌وله‌تى وهه‌رێمى و نیشتیمانى)، ب هه‌ماهه‌نگى دگه‌ل كلینیكا یاسایێ ل كولیژا یاسا یا زانكویا دهوك،ب سه‌رپه‌رشتیا (پرۆفیسۆرێ هاریكار د.ریبر حسین یوسف) راگرێ كولیژا یاسا ل زانكویا جیهان-دهوك، و (ئاری عارف) به‌رپرسێ كلینیكا یاسایى ل كولیژا یاسا ل زانكویا دهوك. مه‌ره‌م ژ ڤه‌كرنا خۆلێ راهێنانا قوتابیێن پشكدار ل دۆر چاڤدێرى و دویفچوونا مافێن زیندانیان د چاكسازیێن حكومى دا، و پێشكێشكرنا راپورت و سمیناران ل قوتابخانه‌ و سازیێن جودا جودا.