سالڤەگەرا رۆژا ژمێریارى یا زانکویا جیهان-دهوک هاتە ساخکرن:
ئەڤرۆ رێکەفتى (7/3/2021) درێژەپێدان ب ئەنجامدانا بزاڤ و چالاکیێن زانستى لسەر ئاستێ زانکویێ، ب ئامادەبوونا بەرێزان (پروفیسورێ هاریکار د.زیرڤان عبدالمحسن أسعد) سەرۆکێ زانکویێ، و بەرێز (پروفیسور د.ابراهیم احمد سمو) و بەرێز (د.نادر نانەکەلى) راوێژکارێن دەستەیا ئەمینداریا زانکویێن جیهان، و بەرێز پروفیسور (د.طلال کدوای) سەرۆک بەشێ ژمێریارى، و ب پشکداریا هژمارەکا سەرۆک بەش و ماموستا و قوتابیان رۆژا ژمێریارى یا تایبەت ب بەشێ ژمێریارى ل زانکویا جیهان هاتە ئەنجامدان، و چەندین برگێن جورا و جور هاتنە پێشکێشکرن ژ وان:
ـ ئامادەکرنا کەل و پەل و خشتێن 3D یێن گرێدایى زانستێ ژمێریارى کو ژ چەندین بابەت و تەوەرێن زانستى یێن جورا وجور پێک دهات وەکو (پێنگاڤێن ژمێریارى، پێکهاتێن ژمێریارى،...)
ـ هەروەسا ناملیکەک ل ژێر ناڤ و نیشانێن رۆژا ژمێریارى (ژمارە 2) هاتە بەلافکرن لسەر بەشداربوویان کو ژلایێ چەند قوتابیان و ب سەرپەرشتیا بەشى هاتیە ئامادەکرن.
ـ ل دەستپێکا رێ و رەسمان چەند زانیارى لسەر بەشێ ژمێریارى هاتنە پێشکێشکرن و تەوەر و برگێن بەرنامەى هاتنە شروڤەکرن بۆ ئامادەبوویان.
ـ پاشان بەرێز (د.زیرڤان عبدالمحسن) سەرۆکێ زانکویێ د پەیڤەکێ دا دەستخۆش ل کار و چالاکیێن قوتابیان کر و ئامادەییا زانکویێ دەربرى ژ بۆ هەر پشتەڤانیەکێ ب مەرەما ئەنجامدانا چالاکیێن زانستى و پێشڤەبرنا بەهرە و شیانێن قوتابیان.
ـ ل دوماهیێ باوەرنامێن رێزلینانێ لسەر قوتابیێن پشکدار د ئامادەکرنا رێ و رەسمێن چالاکیێ دا.
ـ ل دوماهیێ بەرێز (ماموستا نچیروان برهان) بریاردەرێ بەشێ ژمێریارى سەپەرشتیارێ چالاکیێ سوپاسیا گشت رێکخەر و ئامادەبوویان کر.