سەنتەرێ زەکاتا زانستی خزمەتا ئافرەتان د پرۆسا زانست و زانینێ دا بەرز نرخاند

ئه‌ڤرۆ رێكه‌فتى 8ى ئادارا 2025ێ، ل دویف بەرنامێ زەکاتا زانستی و گرنگی دان ب کەسانێن خزمەتا زانست و زانینێ دکەن، و ب هەلکەفتا ڕۆژا جیهانی یا ئافرەتان، پیرۆزباهى و رێزلێنان هاتنە پێشکێشکرن بۆ ماموستا و فه‌رمانبه‌رێن ئافره‌ت، د په‌یامه‌كێ دا به‌رێز (پ.د.زیرڤان عبدالمحسن أسعد) سه‌رۆكێ زانكویێ، سه‌ره‌رایى پیرۆزباهیان، رۆل و پێگه‌هێ ئافره‌تان به‌رز نرخاند د رێڤه‌برن و ئه‌نجامدانا كارۆبارێن كارگێرى و وانه‌گۆتنێ دا ل زانكویێ ب مه‌ره‌ما پێگه‌هاندنا نفشه‌كێ ژێهاتى یێ ژ هه‌ژى خزمه‌تكرنا جڤاكى و پركرنا پێتڤیێن كارى، هه‌روه‌سا د ته‌وه‌ره‌كێ دى یێ په‌یڤا خۆ دا به‌رێز سه‌رۆكێ زانكویێ ئاماژه‌ ب رۆلێ ئافره‌تا كورد كر د خۆراگرى و ئازایه‌تى د قۆناغێن سه‌خت و دژوارێن بزاڤا رگاریخوازا كوردستانێ د هه‌ڤكاریكرن شوره‌شێ و خزمه‌تكرنا پێشمه‌رگێن قه‌هره‌مان.

ل دوماهیێ ده‌ستخۆشى ل كارێ ژ هه‌ژى یێ ئافره‌تێن زانكویێ كر بۆ هه‌ست ب به‌رپرسایه‌تیا وان ل هه‌مبه‌ر جێبه‌جێكرنا كارۆبارێن رۆژانه‌ چ یێن گرێدایى رێڤه‌به‌رى و هۆبه‌ و یه‌كه‌، یان ژى وه‌كو ماموستا و رێنیشانده‌ر.