100 ماموستایێن په‌روه‌ردێ دێ پشكداریێ د خۆلا پێداگۆجى یا ژماره‌ 3ێ دا كه‌ن:  ئه‌ڤرۆ رێكه‌فتى (17/7/2024) زانكویا جیهان-دهوك ب ئاماده‌بوونا به‌رێز (پ.د.زیرڤان عبدالمحسن أسعد) سه‌رۆكێ زانكویێ، پێشوازى ب به‌رێز ماموستا (عمر علی ته‌ها) رێڤه‌به‌رێ گشتى یێ په‌روه‌ردا پارێزگه‌ها دهوكێ، و هه‌ر ئێك ژ رێڤه‌به‌رێن په‌روه‌ردێن قه‌زایێن دهوك و سێمێل و رێڤه‌را مه‌شق و راهێنانێ كر، ب سەرپەرشتیا رێڤەبەرێ سەنتەری (م.ھ. سالار فيصل نوري) ب مه‌ره‌ما ئه‌نجامدانا خۆلا پێداگۆجى یا ژماره‌ 3 كو دێ هێته‌ ڤه‌كرن ژلایێ سه‌نته‌رێ پێداگوجى ل زانكویا جیهان-دهۆك، و 100 ماموستایێن هه‌رسێ په‌روه‌ردێن رۆژهه‌لات، رۆژئاڤا، سێمێل پشكداریێ كه‌ن بۆ ماوێ هه‌یڤا و نیڤا دێ یا به‌رده‌وام بیت.  ڤه‌كرنا خۆلێن پێداگوجى بۆ ماموستایێن په‌روه‌ردێ، ده‌رئه‌نجامێ ئیمزاكرنا رێكه‌فتنامه‌یه‌كا لێكتێگه‌هشتنێ یه‌ دناڤبه‌را ده‌سته‌یا ئه‌مینداریا زانكویێن جیهان ب سه‌رپه‌رشتیا به‌رێز (د.نه‌وزاد یحیى باجگر) و وه‌زیرێ په‌روه‌ردێ یێ حكومه‌تا هه‌رێما كوردستانێ ب مه‌ره‌ما به‌رده‌وامى دان ب ڤه‌كرنا خۆلێن پێداگوجى یێن بابه‌تێن په‌روه‌رده‌یى، رێكێن وانه‌گوتنێ، ده‌روونى، كومپیوته‌ر،....)