ڕێکەفتی 28ی هەیڤا 9 ئەکادیمیا جیهان-دهۆک ب هەڤکاری دگەل بەشێ زانستێن کومپیوتەری و بەشێ پەروەردا گشتی-دەروونناسی ڕابوون ب ڕێکئێخستنا چالاکیەکا هونەری کو تێدا کورتە فلمێ "ئاگرێ ساڕ - The Cold Fire" ژ ئەکتەریا قوتابیێ زانکویا جیهان-دهۆک، بەشێ زانستێن کومپیوتەری "سەروەر مکدی" هاتە نیشاندان. دەرهێنانا "حەسەن محمد ئەمین".

هەر د ڤێ چالاکیێدا پارچە میوزیکەک ژلایێ قوتابیێ بەشی دەرمانسازی "ئەلند مەهدی" ڤە بۆ ئامادەبوویان هاتە ژەنین. پاشی پەیڤا بخێرهاتنێ ژلایێ سەرۆک بەشێ زانستێن کومپیوتەری ماموستا "بلال حكمت رشيد"هاتە پێشکێشکرن. پشتی قوتابیێن بەشێ دەروونناسی تەماشەیی کورتە فلمی کری، ماموستایێ بەشێ دەروونناسی "مێهڤان سلێمان" ڕابوو ب شڕۆڤەکرنا ناڤەرۆکا فلمی ژلایێ دەروونیڤە، پاشی ئەکتەرێ فلمی یێ سەرەکی "سەروەر مکری" باس ل چەوانیا درستکرنا فلمێ خوە کر. د دویڤدا دەرگەهێ گەنگەشەیێ سەبارەت ناڤەڕۆکا فلمی هاتە ڤەکرن. ل دویماهیێ ژی سوپاسنامەیەک ژ لایێ زانکویێ ڤە بۆ ئەکتەرێ سەرەکی و قوتابیێ زانکویێ هاتە پێشکێشکرن.