ل رێكەفتى ٦/٧/٢٠٢٦، د چارچۆڤێ پرۆژە و چالاكیێن بەردەوام یێن دەزگەهێ (زەکاتا زانستی) یێ زانکۆیا جیهان-دهۆک دا، د. مەحمود مراد ئیبراهیم ماموستایێ به‌شێ یاسا، سمینارەک بۆ بهێزکرنا شیانێن كارمه‌ندێن وەزارەتا ناڤخۆ ل پارێزگەها دهۆکێ پێشکەشکر، ل ژێر ناڤونیشانێ: «سیستەمێ دیسپلینێ یێ هێزێن ئاسایشا ناڤخۆ و کارتێکرنا وى د بهێزکرنا شیانێن ئێمناهیێ دا».

د ڤێ سمینارێ دا، ناڤهاتى باس ل گرنگیا سیستەمێ دیسپلینێ و نەهێلانا سەرپێچیان د چه‌سپاندنا دیسپلینا دامەزراوەیی دا کر. هەروەسا رۆلێ ڤى سیستەمى د بلندکرنا به‌هره‌و وشیانێن ئاسایش و بهێزکرنا پابەندبوونا پیشه‌ى دا دیارکر، کو ب شێوەیەکێ ئەرێنى دێ ل سەر جوداهیا کارێ ئێمناهیێ و دابینکرنا ئاسایش و سەقامگیریێ رەنگڤەدەت.