ل ڕێکەفتی ٥ی گولانا ٢٠٢٦ێ، قوتابیێن قۆناغا ئێکێ ل کۆلیژا پەرستاری و بەشێ تیشکێ (Radiology) ل زانکۆیا جیهان-دهۆک، پشکداری د سەرەدانەکا زانستی دا کرن بۆ تاقیگەها"Human Anatomy" ل کۆلیژا پزیشکی ل زانکۆیا دهۆک، ب سەرپەرشتیا ماموستا (د.لیلى محمد صالح).

د درێژاهیا سەرەدانێ دا، پێشەکەیەكا ناساندنێ ل سەر تاقیگەهێ ژ ئالیێ (دکتۆر غازی) ڤە هاتە پێشکەشکرن، پاشان شلوڤەکرنەکا ئەکادیمی و ڕێنماییێ ژ ئالیێ مامۆستایا سەرپەرشت ڤە بۆ قوتابیان هاتە ئەنجامدان.

ئەڤ سەرەدانا زانستی ب مەرەما دابینکرنا شارەزاییەکا کرداری بوو بۆ قوتابیان، دا کو تێگەهشتنا وان بۆ چەوانیا بکارئینانا ڤان زانیاریان د کارێ کلینیکی و پزیشکی یێ ڕاستەقینە دا بهێزتر لێ بهێت. هەروەسا دەلیڤەکه بۆ بدەستڤه ئێنانا ئەزموونەکا فێربوونێ یا کرداری، کو فاكتەر بيت بۆ زێدەکرنا زانیاریێن وان یێن بنەڕەتی د زانستێ (Anatomy) دا.