سەرۆکاتیا زانکۆیا جیهان-دهۆک پێشوازیێ ل شاندەکێ بلند یێ وەزارەتا خواندنا بلند دکەت

د چارچۆڤێ دووڤچوونێن مەیدانی یێن وەزارەتا خواندنا بلند و ڤەکۆلینێن زانستی دا، ئەڤرۆ رۆژا شەمبیێ ڕێکەفتی ١٣ی حوزەیرانا ٢٠٢٦ێ، بەڕێز پ. د. زیرفان عبدالمحسن أسعد، سەرۆکێ زانکۆیا جیهان-دهۆک، پێشوازی ل ڕێڤەبەرێ خواندنا تایبەت ل وەزارەتێ بەڕێز پ. هـ. د. ئیبراهیم ڕەشید و شاندێ دگەل دا کر.

د ئەڤێ دیدارێ دا، باس ل ستراتیژیا زانکۆیێ بۆ دابینکرنا ژینگەهەکا گونجای یا فێرکرنێ هاتە کرن. ل دویفدا، شاندێ وەزارەتێ گەڕیانەک ل ناڤا هۆلێن ئەزموونان، تاقیگەهێن زانستی، پزیشکی، و بەشێن کارگێڕی ئەنجامدا، ژ پێخەمەت ئاگەهداربوون ژ ئاستێ پرۆسەیا فێرکرن و خواندنێ و چاوانیا ب ڕێڤەچوونا ئەزموونێن دۆماهیا سالا خواندنێ (٢٠٢٥-٢٠٢٦) و پشتڕاستبوون ژ دابینکرنا باشترین کەش و پێدڤیێن سەرکەفتنا پڕۆسێ.