زانکویا جیهان-دهوک بەردەوامە لسەر ئەنجامدانا چالاکیێن زانستى و ئەکادیمى:
رێکەفتى 9/1/2022 کوربەندێ ئابورى یێ ئێکێ ل زانکویا جیهان-دهوک هاتە ئەنجامدان ل ژێر ناڤ ونیشانێن " بوودجەیا عیراقێ یا سالا 2021ێ و رەنگڤەدانا وێ لسەر ژیوارێ ئابوورى"، ب پشکداریا بەرێز (د.نوزاد یحیى باجگر) سەرۆکێ دەستەیا ئەمینداریا زانکویێن جیهان، و بەرێز (پروفیسورێ هاریکار د.زیرڤان عبدالمحسن أسعد) سەرۆکێ زانکویا جیهان-دهوک، دگەل هژمارەکا پسپور و شارەزایێن ئابوورى ل عیراقێ بەشداربوون. 
هەژى یە بێژین هژمارەکا کەسایەتى و شارەزایان ب پێشکێشکرنا بووچوون و شروڤەیێن گرێدایى بابەتى پێشکێشکرن وەک:
ـ پروفیسور د.محمود داغر/ رێڤەبەرێ گشتى یێ بەرێ ل بەنکا ناڤەندى.
ـ پرۆفیسور(د.ڕحلام ابراهیم ولی/ ڕاگرا کولیژا کارگێرى و ئابورى ل زانکویا سەلاحەددین.
ـ بەرێز (د.عبدالرحمن مەشهەدانى) ماموستایێ پەیوەندیێن ئابورى ل زانکویا ئەلعیراقیە.
ـ بەرێز (د.خالد ئەلعەبدەلى/ ماموستایێ زانستێن دارایى و بانک ل کولیژا (ئەلمعارف) ل هولێر. زێدەبارى پشکداریا هژمارەکا زۆر یا کەسانێن ئەکادیمى ژ زانکو و وەزارەتێن جودا جودا ژ وان (د.بلال کەسوانى/ رێڤەبەرێ گەشەپێدانا جڤاکى ل رێکخراوا یونسکو، و بەرێز (د.طە ئەلربیعی/ رێڤەبەرێ گشتى یێ بازارێ عیراقى یێ دراڤى، و بەرێز (د.سمیر فخری/ ماموستایێ زانکویا زاخوو).
جهێ ئاماژەپێکرنێ یە کو روینشتن لسەر شێوازێ ئونلاین هاتە ئەنجامدان و ژلایێ بەرێز (د.نوار ئەلسەعدی) رێڤەبەرێ سەنتەرێ ڤەکولینان ل زانکویا جیهان-دهوک هاتە پرێڤەبرن.
کوربەندێ ئێکێ یێ ئابورى د گەنگەشە و شروڤەیێن هاتینە ئەنجامدان هژمارەکا خالێن گرنگ و تەوەرێن ب مفا هاتنە پێشکێشکرن، زێدەبارى دەستنیشانکرنا چەندین خالێن نەرێنى یێن بووینە دەرئەنجامێ بوودجەیا سالا 2021ێ و پێشکێشکرنا هژمارەکا چارەسەرى و پێشنیاران ب مەرەما مفا وەرگرتن بۆ دووبارەنەبوونا شاشیان د بوودجەیا سالا 2022ێ دا.
بۆ دیتنا چاوانیا ب رێڤەچوونا کوربەندى و خالێن هاتینە گەنگەشەکرن، هوین دشێن د ڤى لینکى دا گشت زانیاریان ب درێژى وەرگرن.