د چارچۆڤێ چالاکییێن خۆ یێن زانستی و خێرخوازی دا یێن دەزگایێ زەکاتا زانستی، بەشێ پەروەردا گشتی ل زانکۆیا جیهان – دهۆک بەردەوامیێ ددەتە خۆلەکا بێ بەرامبەر بۆ فێربوونا زمانێ ئینگلیزی ل ژێر ناڤ ونیشانێ «ئاخڤتنێ: ئەز, تۆ و ژیرییا دەستکرد» (Speaking Club: You, Me & ChatGPT).

ل ڕێکەفتی 21/6/2026 و د چارچۆڤێ بەردەوامییا ڤێ خۆلێ دا، وانەیەکا دی ژ لایێ پڕۆفیسۆرێ هاریکار د. بالاچاندران ڤادیڤێل (مامۆستایێ پسپۆر ژ وەلاتێ هندستانێ) هاتە پێشکێشکرن.

ئارمانج ژ ڤێ کۆرسێ کو بۆ ماوێ دوو حەفتیان یا بەردەوامە، ئاڤاکرنا باوەری ب خۆبوونێ، ڕەوانبێژی، و پێشخستنا شیانێن پەیوەندیکرنێ یە ل دەڤ پشکداربوویان ب ڕێکا تەکنیکێن سەردەمیانە یێن وەک: ڕاهێنانا ڕۆژانە، ڕۆلگێڕانێن ژیانێ (Role-plays)، و بکارهینانا ژیرییا دەستکرد (ChatGPT) د ئاخڤتنێ دا.