د چارچووڤێ په‌یوه‌ندیان دگه‌ل ده‌زگایێن ئه‌كادیمى و زانستى، و ب مه‌ره‌ما مفا وه‌رگرتن ژ شیانێن هه‌ڤدوو، یێن ره‌وشه‌نبیرى، زانستى و ئه‌نجامدانا پرۆژه‌ و ووركشۆپ و كونفرانسێن زانستى د پاشه‌رۆژێ دا، راگرێ كولیژا یاسا ل زانكویا جیهان-دهوك (د.ریبه‌ر حسێن یوسف) سه‌ره‌دانا سه‌نته‌رێ ڤه‌كولینێن یاسایى ل وه‌زاره‌تا داد كر و هاتنه‌ پێشوازیكرن ژلایێ رێڤه‌به‌رێ سه‌نته‌رى به‌رێز (پ.د.محمد سلیمان الأحمد)، د ڤێ هه‌ڤدیتنێ دا رێكه‌فتنامه‌یه‌كا لێكتێگه‌هشتنێ دگه‌ل سه‌نته‌رێ ناڤبرى هاته‌ ئیمزاكرن، ب مه‌ره‌ما ده‌وله‌مه‌ندكرنا په‌رتووكخانا زانكویا جیهان-دهوك ب ژێده‌ر و په‌رتووك، و به‌لاڤووكێن ده‌ردچن ژ سه‌نته‌رێ ڤه‌كولینێن یاسایى ب سه‌رپه‌رشتیا وه‌زیرێ داد به‌رێز (فه‌رست احمد)، هه‌روه‌سا رێكه‌فتن هاته‌ كرن لسه‌ر ئه‌نجامدانا پرۆژێن زانستى د پاشه‌رۆژێ دا.