ل ژێرچاڤدێری و سەرپەرشتیا زۆر بەرێز سەرۆکێ زانکۆیاجیھان - دھۆک، پرۆفیسۆر دکتۆر زێرڤان عبدالمحسن أسعد، کولیژا یاسایێ ب ھەڤکاری دگەل سەنتەرێ راوێژ وڤەکۆلینان پەنەلەکێ زانستی ل ژێر ناڤونیشانێن:

"توندوتیژی دژی ژنان دناڤبەرا یاسا و جڤاکی دا: دیتنەکاھەڤپشک دناڤبەرا دادگەھ، پۆلیس و دەستەیا مافێنژنان" سازکر، ھەڤدەم دگەل ساخکرنا رۆژا جیھانی یانەھێلانا توندوتیژیێ دژی ژنان.

پەنەلی سێ تەوەرێن سەرکی بخۆڤە دگرت:

١- مامەلەیا دادگەهێ دگەل کەیسێن توندوتیژیا دژی ئافرەتان

داوەکارا گشتی: هەدار عەبدئەلمەجید حەسەن.

بەرپرسا فەرمانگەها داواکارا گشتی – دهۆک.

٢- ئەرک و ئاستەنگێن پۆلیسان د ڕزگارکرنا ئافرەتان ژ گەفێن توندوتیژیێ

عەقیدێ ماف : وەلات سەدیق ئیبراهیم.

ڕێڤەبەرێ ڕێڤەبەریا تۆندۆتێژیا دژێ خێزان و ئافرەتێ –دهۆک.

٣- بزاڤێن ناڤەندا ئێکەتیا ئافرەتێن کوردستانێ بۆ کێمکرنا و نەهێلانا توندوتیژیا دژی ئافرەتان.

بەرپرسا ناڤەندا دهوك یا ئیکەتیا ئافرەتێن کوردستانێ.

پەنەلی تیشک ئێخستە سەر رۆلێن یاسایی و ئەولەھی ومافپەروەری د رووبرووبوونا توندوتیژیێ دژی ژنان دا، دگەلدوپاتکرنێ لسەر گرنگیا تەمامکرنا بزاڤێن دامودەزگەھێنفەرمی و جڤاکی بۆ بهێزکرنا پاراستنا ژنان و بەلاڤکرناھشیاریێ.

ھەروەسا رینشتنێ گەنگەشەیێن بەرفرەھ بخۆڤە دیتن کوتێدا ئامادەبوویان تێبینی و پرسیارێن خۆپێشکێشکرن، ئەڤ چەندە بوو ئەگەرێ دەولەمەندکرنادانوستاندنێ و کوورکرنا تێگەھشتنێ دەربارەی ڤێ کێشاگرنگ.

کولیژا یاسایێ و سەنتەرێ راوێژ و ڤەکۆلینان سوپاسیاھەمی پشکدار و ئامادەبوویان دکەن لسەر پشکداریا وان یاچالاک د سەرخستنا ڤی چالاکیێ دا..