كۆنفرانسێ ئێكێ یێ هه‌لبژارتنا باشترین قوتابیێ سمینارگێر هاته‌ ئه‌نجامدان  ئه‌ڤرۆ رێكه‌فتى 17/5/2024 ب ده‌ستپێشخه‌ریا به‌رێز (پ.د.زیرڤان عبدالمحسن أسعد) سه‌رۆكێ زانكویێ، لژنه‌یه‌كا پسپۆر راسپارد بۆ سه‌رپه‌رشتیكرنا كۆنفرانسێ ئێكێ یێ هه‌لسه‌نگاندنا باشترین قوتابیێ سمینارگێر، ژلایێ قوتابیێن قوناغا ئێكێ هاتنه‌ پێشكێشكرن. د په‌یڤه‌كێ دا به‌رێز سه‌رۆكێ زانكویێ ئاماژه‌ ب گرنگیا پویته‌دان ب شیان و به‌هره‌یێن قوتابیان كر د بوارێن جودا جودا، بتایبه‌ت د نشاندانا شیانێن گوتاربێژى و هونه‌رێ په‌یڤینێ، د چارچووڤێ هه‌ڤركیێ لسه‌ر چاوانیا پێشكێشكرنا باشترین سمینار، ل دویف هژماره‌كا رێنمایێن د بابه‌تێ گه‌نگه‌شه‌یا زانستى دا بۆ قوتابیێن قوناغا ئێكێ هاتینه‌ پێشكێشكرن. پشتى سمینار ژلایێ قوتابیان دهێنه‌ پێشكێشكرن، دێ ژلایێ لژنا سه‌رپه‌رشت هێنه‌ هه‌لسه‌نگاندن كو ژ 10 خالان پێك دهێت د بوارێن زمانێ له‌شى، و ته‌كنۆلوجیا، ناڤه‌رۆكا بابه‌تى، كۆنترۆل و بكارئینانا میكانزمێن گه‌هاندنا بابه‌تى... ل دویماهیێ دێ باوه‌رنامێن به‌شداربوون و خه‌لاتێن سه‌ركه‌فتیان هێنه‌ پێشكێشكرن.