ل ڕێکەفتی (30/6/2026)، قوتابیێن قۆناغا سێیێ يێن کۆلیژا پەرستاری، ب سەرکەفتیانە پرۆگرامێ خۆ یێ مەشقا مەیدانی یا هاڤینێ د ناڤا هەردوو نەخۆشخانێن (هیڤی یا زارۆکان) و (ئافرەت و زارۆکبوونێ) ب دوماهی ئینا.

د ڤێ خولا مەشقکرنێ دا د ناڤا بەشێن تایبەتمەند دا، کو پێکهاتبوون ژ (ساخلەمیا زارۆکان، چاڤدێریا چڕ یا ساڤایان NICU، کوتان، هۆلا زارۆکبوونێ، ژۆرێن نەشتەرگەریێ، و چاڤدێریا دایکان)—قوتابیان شیا زانیاریێن خۆ یێن ئه‌كادیمی بکەنە شارەزایی و بەهرەیێن کلینیکی و مەیدانی.

دیارترین خالێن پرۆگرامێ مەشقکرنێ:

ـ پشکداریا چالاک د هەلسەنگاندنا ڕۆژانە یا نەخۆشان، دانا دەرمانان، سەرەدەريکرن ب بارودۆخێن نەئارام (هەوارهاتن)، و هۆشیارکرنا نەخۆشان.

ـ پشتەڤانی و ڕێنیشاندەریا بەردەوام ژ لایێ پەرستارێن تایبەتمەند بۆ هەر قوتابیەکی.

ـ ب هێزکرنا شیانێن تەکنیکی، بڕیاردانا کلینیکی، پەیوەندیکرنا پیشەیی، هەڤسۆزی، و جێبەجێکرنا پیڤەرێن ڕەوشتبەرزیێ د پەرستاریێ دا.

سوپاسی و پێزانینێن خۆ ئاراستەی تەڤایا کادر و سەرپەرشتيارێن ل هەردوو نەخۆشخانا دکەین بۆ هەڤکاری و ڕێنیشاندەرکرنا قوتابیێن زانکۆیا مە ب مەرەما ئاڤاکرنا نڤشەکێ نوى یێ پیشەکارێن کەرتێ ساخلەمیێ.