كولیژا یاسا ل زانكویا جیهان-دهوك ب سه‌رپه‌رشتیا (د.ریبر حسین یوسف) راگرێ كولیژێ، و ب هه‌ماهه‌نگى دگه‌ل ده‌سته‌یا سه‌ربخۆ یا مافێ مرۆڤى ل دهوكێ، و چاكسازیا مه‌زنان، ووركشووپه‌ك ده‌رباره‌ى (مافێ زیندانیان د چاكسازیاندا ل دهوكێ) هاته‌ ئه‌نجامدان، ئه‌ڤه‌ ژى پشتى ب دویماهى هاتنا خۆلا راهێنانێ بۆ قوتابیێن كولیژا یاسا ب رێیا ئه‌نجامدانا سه‌ره‌دانا بۆ چاكسازیا مه‌زنان ل دهوكێ و ئاماده‌كرنا راپورتێن گرێدایى مافێ زیندانیان د بوارێ ساخله‌مى، ئارامى، كاركرن د ناڤا چاكسازیێ دا و په‌یوه‌ندى دگه‌ل ژیانا ده‌رڤه‌ى چاكسازیێ.
قوتابى لسه‌ر 5 گرۆپان هاتنه‌ دابه‌شكرن، هه‌ر گرۆپه‌كى راپورته‌ك لسه‌ر لایه‌نه‌كێ مافێن زیندانیان ئاماده‌كر، و تێبینى و پێشنیارێن گرێدایى بابه‌تى  ئاراسته‌ى رێڤه‌به‌ریا چاكسازیێ و ده‌سته‌یا مافێ مرۆڤى كرن، ل دویماهیا ووركشۆپى باوه‌رنامێن رێزلێنانێ لسه‌ر قوتابیان هاتنه‌ دابه‌شكرن، و رێزلێنان هاته‌ پێشكێشكرن بۆ به‌رێز (عه‌میدێ مافپه‌روه‌ر محمد حسن) رێڤه‌به‌رێ چاكسازیێ، و (دلێر عبدالله) رێڤه‌به‌رێ ده‌سته‌یا سه‌ربخۆ یا مافێ مرۆڤى ل دهوكێ هاته‌ كرن.