ل رێکەفتى 30/6/2021 ب مەرەما گرنگى دان ب پێشڤەبرنا شیانێن زانستى یێن ماموستایان، سمینارەک ژلایێ بەرێز (د.رەزوان محمد صالح نجم الدين) سەرۆک بەشێ زانستێن کومپیوتەرى ل ژێر ناڤ و نیشانێن (تەکنولوجیا کویراتیا سەختە) ل هولا پێشمەرگە هاتە پێشکێشکرن، ژلایێ خۆ سمینارگێرى ئاماژە ب هزرا سەرەکى یا ڤێ تەکنولوجیایێ کر و چاوانیا کارکرن و رێژا کارتێکرنا وێ یا ئەرێنى و نەرێنى د ڤى سەردەمى دا دگەل پێشکێشکرنا هژمارەکا نموونا لسەر ڤێ تەکنولوجیایێ. کو ئەڤ تەکنولوجیایە دهێتە هژمارتن ئێک ژ تەکنولوجیایێن پێشکەفتى د بوارێ زیرەکیا دەستکرد و تورێن دەمارى کو نوکە ب شێوەیەکێ بەرفرەه دهێتە بکارئینان د بوارێن جودا جودا بتایبەت د بەرهەمئینانا فلمێن سینەمایى، و ل دوماهیێ دەرگەهێ دانوستاندنێ و گەنگەشێ ژلایێ ئامادەبوویان هاتە ڤەکرن.