ئەڤرو ل رێکەفتى (7/6/2021) سمینارەک ل ژێر ناڤ و نیشانێن (پاراستنا مافێن بەكاربەری د یاسایا عیراقی دا) ژلایێ بەرێز ماموستا  (د.رێبەر حسێن یوسف) هاتە ئەنجامدان، دڤێ سمینارێ دا باس ل رێكخستنا یاسایی یا مافێن بەكاربەری ھاتە كرن، و ئاماژە ب وێ چەندێ ھاتە دان كو ددەمێ نوكە دا ل عیراق و ھەرێما كوردستانێ و ژبەر نەبوونا چاڤدێریەكا موكم لسەر بازاری و ھەبوونا گەندەلیێ بەكاربەر زور جاران دھێتە خاپاندن چ ژلایێ وان كەل و پەل و خزمەتگوزاریێن دھێتە دابین كرن ژلایێ بازرگانا ڤە كو زوا جاران ئەو كەل و پەل و خزمەتگوزاری نەلدیڤ پیڤەرێن باوەرپێكری نە یان ب بھایەكێ نە رەوا دھێنە فروشتن، دگەل بكارئینانا رێكێن راگەھاندنێ یێن پێشكەفتی د خاپاندنا بەكاربەری دا، ب تایبەت ئەگەر ئەم بزانین كو بەكاربەر لایەنێ بێ ھێزە دڤێ كریارێ دا، ئەڤ چەندە ھەمی پێدڤی ب رێكاڕ و یاسایێن پێشكەفتی یە ژبو پاراستنا بەكاربەری و گرەنتیكرنا مافێن وی.