پەژیکا کورونا د سمینارەکا زانستى دا ل زانکویا جیهان-دهوک هاتە گەنگەشەکرن:
بەردەوامى دان ب جێبەجێکرنا رێنمایێن دڵنیایى جورى ل زانکویا جیهان-دهوک و گرنگى دان ب شیانێن ماموستایان، ل رێکەفتى (27/2/2021) ب ئامادەبوونا بەرێز پرۆفیسورێ هاریکار (د.زیرڤان عبدالمحسن اسعد) سەرۆکێ زانکویێ،  سمینارەک ل ژێر ناڤ و نیشانێن (کارتێکرنا پەژیکا کورونا لسەر ئازادیێن گشتی) ژلایێ بەرێز ماموستا  (د.رێبەر حسێن یوسف) هاتە ئەنجامدان، دڤێ سمینارێ دا باس ل پەژیکا کورونا ھاتە کرن و کارتێکرنا وێ لسەر ماف و ئازادیان، و ئاماژە ب وێ چەندێ ھاتە دان کو پەژیکا کورونا نە بتنێ کارتێکرن کریە لسەر ژیان وتەندروستیا مللەتان، بەلکو کارتێکرنەکا مەزن کریە لسەر ھەمی بوارێن سیاسی وئابووری وکومەلایەتی، زوربەیا ولاتێن جیھانێ حالەتێ تەنگاڤیێ راگەھاند، ھەروەسا حکومەتان لسەرانسەری جیھانێ گەلەک پێرابون وەرگرتن ب مەرەما رێگرتنێ ل بەلاڤبوونا ڤایروسێ کورونا یێ کوژەک.
ژھەژی گوتنێ یە کو ئەڤ پێرابونێن حکومەتا وەرگرتین کارتێکرنەکا ئێکسەر کریە لسەر ماف وئازادیێن گشتی، ژ گرنگترین ڤان ئازادیان، ئازادیا ھاتنوچونێ، ئازادیا کومبوونێ، ئازادیا ئەنجامدانا رێورەسمێن ئاینی.