شیان مهدی قوتابیێ پشکا ئاداب ئینگلیزی قوناغا دووێ ل زانکۆیا جیهان-دهوڪ. ئێک ژ خواندەڤانێن باش یێن پەرتووکێ، کۆ باهرا پترا دەمێ خۆ لگەل پەرتووکێ و هەڤالینیا وێ دەرباز دکەت. ژمارەیەکا باش یا ڤەکۆلین و گوتاران د گوڤار و ڕوژنامان دا بەلاڤ کرینە وەکی "گوڤارا پەیڤ، خازر، شەیدا، خابور، سیلاڤ، ڕوژناما ئەڤرۆ، النهار ل بەغدا، ڕوانگە و ڕەخنە، گاڤ نیوز"، ئەڤە سێ ساڵە لگەل "ڤیستەڤالا نیڤدەولەتی یا دهوک یا فلمان" کار دکەت ل بەشێ پرێسکونفرەسا و پەناڵان. هەر وەسان نوکە کار لسەر ڕەخنا ئەدەبی دکەت، بەژداری د چەندین پڕۆگرام و چاڤپێکەفتنێن تێلەفزیونی دا کرییە، بەلێ ئەو بەس نینە بۆ خواندەڤانەکێ ڕاست و دروست، بەلکی دڤێت هەول بدەت دەوروبەرێن خۆ ژی ببەت ناڤ جیهانا پەرتووکان، لەورا قوتابی شیان ڕادبیت ب بەڵاڤکرنا پەرتووکان و کورتکرنا وان ل ئەکوانتێن خۆ یێن فێسبووکی و ئینستگرامی بۆ خاندەڤانان دا مفای ژێ وەرگرن. هەروەسان بۆ ماوێ دوو ساڵایە  وى پروژەک هەیە بناڤێ " Be reader" ببە خاندەڤان" کۆ ڕادبیت ب کۆمکرنا پەرتووکان و ڤەکرنا پەرتووکخانێن بچویک ل هندەک جهێن گشتی کۆ خەلک گەلەک سەرەدانێ بکەن وەکی" سەرتراشخانە، کلینیکێن نوژداران" دا کۆ ئەو دەمێ ل هیڤیا سرایێ دبورینی، هەول بدەی دوو لاپەرێن پەرتووکەکێ بخوینی، ئەڤەژی هەولەکە بۆ هندێ کۆ " خواندنا پەرتووکان ل دەف ببیت کەلتوور"، هەتا نوکە 38 پەرتووکخانە ل سەرانسەری پارێزگەها دهوک ڤەکرینە، و ل نێزیک دێ پەرتووکخانەیەک بچویک ل بەشێ زمانێ ئینگلیزی ڤەکەت.