سەرۆکێ زانکویا جیهان-دهوک بەشدارى د کومبوونا ئیمزاکرنا (رێکەفتناما هەڤخویشک) دا کر:
ئەڤرۆ رێکەفتى (8/3/2021) بەرێز پروفیسورێ هاریکار (د.زیرڤان عبدالمحسن أسعد) سەرۆکێ زانکویا جيهان-دهوك بەشداربوو د کومبوونەکا لسەر شێوازێ ئونلاین ل دۆر ئیمزاکرنا رێکەفتنامەکا هەڤکاریێ ل ژێر ناڤێ (هەڤخویشک) دناڤبەرا پارێزگەها دهوکێ ب سەرپەرشتیا بەرێز (د.علی تتر) پارێزگارێ دهوکێ، و باژارێ (گاینزفیل) یێ سەر ب ویلایەتا فلوریدا یا ویلایەتێن ئێکگرتى یێن ئەمریکا ب سەرپەرشتیا بەرێز پارێزگار (لاورن پوی)، و ب بەشداریا سەرۆکێن زانکویێن پارێزگەها دهوکێ، وهژمارەکا کاربەدەستێن کارگێریا پارێزگەها دهوکێ، ب مەرەما ئەنجامدانا هەڤکاریا دوولایەن و ئالوگورکرنا هزر و شیان وپلانا دبوارێن جودا جودا د هەردوو کەرتێن گشتى و تایبەت دا دناڤبەرا هەردوو باژاراندا.
ژلایەکێ دى باس ل بەرژەوەندیێن هەڤپشک د گەشەپێدانا ئابورى و چاڤدێریا ساخلەمى و پەروەردەیى وکار و بهێزکرنا لێکتێگەهشتنێ دناڤبەرا هاولاتیێن هەردوو باژێراندا هاتە كرن.
پشتى چەندین تەوەرێن گرنگ هاتینە گەنگەشەکرن د بوارێن جودا جودا (پێناسەک لدۆر پارێزگەها دهوکێ و باژارێ گەینزفیل یێ ئەمریکى و کورتیەک لسەر مێژوویا هەردوو لایان هاتيە شروڤەکرن و باسکرن، و پشتى بەشداربوویان بووچوون و دیتنێن خۆ لسەر تەوەرێن کومبوونێ دیارکرين، ل دوماهیێ رێکەفتناما فرەهەڤکارى هاتە ئیمزاکرن ژ بۆ پێشکێشکرنا خزمەتگوزاریێن باشتر د بوارێن جودا جودا د بەرژەوەندا هەردوولاياندا.